由足球賽事講起

你說我邪不是邪

瞞天過海放毒蛇

噓聲背後神仙跳

點紅點綠鬥多遮

呢嗱、好端端的一場足球賽事、居然淪為政治角力嘅導火線。昨晚「墨花神」球場上演一場「天 / 紫」世杯外圍賽、期間有兩群有心人在賽前加插一場治角力表演。當國歌奏起時有人報以噓聲、有人高舉「B洞洞」紙牌、有人豎起「紫荊並不是天朝」標語。然而對手方面亦不甘示弱、當中有人高唱「我們是紫荊」和高舉相關標語回應。總之一切都辦得有條有理、簡值得比熟手技工還要熟手。吓、嗰啲係乜嘢人嚟？聽講話、佢哋係陀地派和講力派嘅人馬嚟喎！

社會上有人話陀地派係一小撮破壞分子、但又指佢哋搞死紫荊城、連唔夠公屋分配、大型基建變成吸銀両嘅無底深潭、甚至連商戶冇錢賺都入埋佢哋嘅數。講真啦、唔係我睇唔起陀地派、如果你話佢哋所作所為乞你憎、我係冇意見嘅。但呢頭話佢哋係小數破壞分子、但轉過頭又話佢哋勁到搞死紫荊城、咁就係天大嘅笑話。假如陀地派真係咁勁揪嘅話、恐怕紫城嘅城頭早就換上蛇貓旗啦！係嘛！之但係咁、如果唔過呢班友仔一棟、莫講話交代唔到點解那些專為水客而開嘅「即興商號」忽然生意淡薄、恐怕連為乜興建公屋不能達標、以及何解垃圾會每次都係鬧完之後又撥款去為大型基建項目超資而填氹、都無法交代？所以話啫、呢個世界淨係有紅面而無黑面嘅話、就無戲可唱架喇！知冇？

所謂講多無謂、食多會滯、陀地派究竟有冇市場、無須亂猜估。因為他們當中、已經有人報咗名去角逐來屆驅異會議席。當星期日點票結果公布之後即可見到真章。各位街坊、不防拭目以待啦！