混吉

日日重演一齣戲

你不厭時我亦痺

但見雙方無聊賴

搞來搞去得個屁

呢嗱、朝廷所謂嘅「寸步不讓」從未鬆過口、而反盟所謂嘅「推翻八加卅一」仍然企硬、在如此情況下照計就冇嘢好傾。但怪就怪在朝廷卻煞有介事般的、派遣欽差大人南下冧鎮與反盟代表見面。但欽差大人特別強調、凡是反對朝廷的人都絕不會獲得委任。反盟在會面後聲稱、堅決投反對票。這件事奇特之處、就是朝廷憑啥在毫無誘因之下、認為反盟會接受這個被譽為“蛋家雞見水”方案？究竟這個悶葫蘆裡面裝的又是甚麼藥？

雙方期間發生了一段小插曲、唔知到白鴨黨嘅大騸雞嘅角色是負責混吉嘅、居然在眾人談論政改之際、佢就向欽差大人篤施威背脊。大騸雞指施威收取袋鼠公司五千萬両銀子、作為對蕃邦嘅服務費用。雖然在場的紫府大總管冧井數度勸阻大騸雞勿再離題、但他卻好少理、並質疑朝廷在打貪期間既然老虎與蚊一起打、何解偏偏放過施威？大騸雞還說、前任縣太爺啱僧嘅貪腐比起施威簡直是小巫見大巫喎！咁你話死唔死？大騸雞咁講法、豈不是間接證明啱僧確實有貪污？咁搞法即係未審先判啱僧嘅罪啫！看來、啱僧今回認真唔得呢隻大騸雞死咯！

嗱、就算你話我係馬後炮都要講架喇！試想想、呢趟會面搞到九唔搭八咁款、簡直係見面不如不見面。還有啥好談？