2015年6月17日星期三

陰謀論 之 反即是幫




問前途依然未卜
舞台上對鼠貓哭
一個局看來古怪
外間人盡是阿福

呢嗱、今日縣首如期將紫改方案擺上人民公社議事桌、最快明天使會有定案。走筆至此只聽聞飯盟陣中不斷傳出無人願意轉軚嘅消息。即係話、紫改通過嘅機會等於零。由於社會上有不少人士認為、應該先將選舉縣首投票權拿到手、然後再續步爭取修改那些被認為不民主嘅條文。因此、如果今次紫改被否決嘅話、對飯盟嘅前途必會構成嚴重負面影響。但奇就奇在飯盟居然毫不介意的一口咬定、假如紫改一旦落實就永無修改之日、並堅持否決方案。究竟飯盟憑甚麼斷定市民和他們嘅想法一樣、如果不能一步登天、就寧願玉石俱焚、甚致連即將到手嘅投票權都不要?

從戰略層面去睇、冇理由為咗要堅持一步登天就拿眾生來倍葬。須知到即使飯盟有推翻重來之意、但是否重來、何時重來、絕不是飯盟說了便算。再加上阿爺有言在先、講明八三一這個基礎絕不動搖。即是說、就算重新啟動紫改、也離不開這個基礎。既然係咁、點解係都要搞冧檔攤呢?正當在下想極也想不通之際、腦海中忽然浮現早前江湖上有陰謀論指出、自從山姆大叔被「亞頭行」碰崩咗頭之後便患上嚴重嘅天朝恐懼症、所以定下多個對付阿爺嘅策略、其中一項就是要令到紫改得以落實、好讓反對勢力得到抗爭藉口、從而大興搗亂。假如阿爺膽敢動用街坊軍去鎮壓嘅話、山姆大叔就有藉口以人道理由去迫使其盟友聯手向天朝發動制裁。據說這是一條既便宜又實用嘅橋、唯可惜的就是消息走漏、以致功虧一簣而矣!因此飯盟堅持否決紫改方案、唔止證明山姆大叔對紫荊城嘅影響力遠遜於城中強豪、更重要的就是間接幫咗阿爺一個大忙。信不信由你喇!

17 則留言:

  1. 我的陰謀論卻是相反的,支持泛盟的又何止是外部勢力,因為若要和尚打傘,那麼越亂對某些人不就是更好嗎?

    回覆刪除
    回覆
    1. 不過在投票過和中亂的卻是倦仔呢!

      刪除
  2. 我覺得政改通唔通過並唔重要,最重要選擇咗對抗,咁班飯民以後可以繼續玩落去!另一方面,班友藉此自我催眠 ,感覺自己好清高,呢種飄飄然嘅感覺,我相信非局外人可以理解!

    回覆刪除
    回覆
    1. 不過昨日在投票過程中倦仔幫咗飯仔一把....

      刪除
  3. 人民公社剛剛否決了方案。
    事已至此,既來之,則安之。

    回覆刪除
    回覆
    1. 塞翁失馬,焉知非福。
      如果在反盟中撬到幾票通過,未來也不見得會比現在好。

      刪除
    2. 從形勢上睇、以其撬票倒不如爭取時間將對手先置諸於死地....

      刪除
  4. 好友☼´*♦早晨&午安☀・゚☁ º。
    ❥・゚❣大家快樂星期四喇喂♡。❉º

    回覆刪除
  5. 結果已出
    任何疑真似假的推論
    都不再重要

    暫時.................

    回覆刪除