三億係乜嘢一回事？

無厘無頭喊不休

吹牛吹到冧城樓

三億價錢陳上枱

僅此一鋪冇翻頭

近日江湖上忽然盛傳、阿爺以銀彈換取反派轉軚。傳聞指、有人企圖以一張價值三億両銀票向反派代表阿邊個換取一張紫改贊成票、並保證無論方案是否過關銀票都能夠兌現。之不過阿邊個立即嚴詞拒絕、然後拂袖而去。真係唔講都唔知到、原來紫荊城嘅政客係唔食人間煙火嘅。

現在嘅問題係（一）阿爺出資十五億両銀子向反派收購五張贊成票嘅傳聞究竟係真有其事、抑或係反派中人使嘅反間計呢？（二）以阿爺嘅聰明才知、會唔會連對方嘅性格都未摸透、就貿然去跟人家做交易？（三）既然阿邊個嘅為人如此正義、點解唔向青天衙門告密來一個甕中提鱉、而偏要選擇匿名齋噏呢？（四）雖則話道不同不相為謀、但亦有所謂生意不成仁義在、那麼又何必要為公結私仇？呢單嘢實在太多疑點喇！

呢嗱、如果將呢件事睇成係阿邊個手上持有四至五票、並利用呢個平台向阿爺公開喊價三億両銀子換一張贊成票、並且必須保證無論紫改是否通過都要畀錢嘅話、整件事都變得順理成章多了！由於做無間道是一條有去冇回嘅單程路、喊價三億可謂高處未算高。試問一聲、當人將自己一生之中最寶貴嘅光陰投入政圈裡面、如果話唔係為銀子、唔通為面子咩？三億兩銀子在有錢人眼中並唔算多、但對於某些人而言、有咁大筆錢在手就可以離開這是非之地、好好的去享受人生矣！

不過咁、如果阿邊個忽然之間有幾億身家、必遭被其他酸溜溜嘅反仔向青天大老爺告一狀嘅。因此必須要事先度定條橋過骨才行喇！