陰謀論 之 請君入甕

要反由你反

但求大家散

箇中有玄妙

誓將你玩殘

開講有話、長痛不如短痛。意思即係話、橫掂都痛就唔好痛咁耐、嗱嗱聲作個了斷算了！今次欽差大人與反盟代表會面不獨只不能打破悶局、反而加深彼此之間隔膜。不知令人費解嘅係、府衙明知撞板都硬着要將「篩補丸」這個議題擺上人民公社議事桌上去。不過據榕樹頭陰謀論解畫佬三叔公講、這顯示朝廷決定要快刀斬亂麻、速來一個既定事實。因為無論「篩補丸」通過與否、朝廷都贏定了！三叔公解釋、今年十一月是驅異會選期、而明年九月就是公社大選。假如能夠在適當時候令反盟流失擁躉、以及令到更多不認同反盟嘅人出來投票嘅話、就可以置那群政客於必敗之地。以當前態勢看來、三叔公嘅預測未必冇可能。

大歸十七載以來、紫荊府衙之所以毫無建樹嘅原因有二。第一條、各路倦派人馬利益矛盾不斷、以致某些重要性決定在陰溝裡翻船。第二條、倦派未能在公社取得主導性話語權、以致反盟有機可乘下下擋在府衙前面阻頭阻勢。不過自從「一戰」之後反盟嘅聲望不斷下滑、而朝廷嘅對篩補丸嘅策略亦有所調整。三叔公指、朝廷認為倦派在來屆大選之中奪多五席就可以廢反盟武功、比起急於落實篩補丸更加有用。因為當公社三份之二席位盡歸倦派所擁有嘅時候、莫講話要落實「篩補丸」、即使要通過「廿三味」、甚致「國民咬肉」都無難度、到時反盟想反對亦恐怕有心無力。當反盟到了勢單力弱嘅時候、他們唯一可以做的、就是糾眾上街叫叫喊喊而矣！但必須注意的是、當以上所有個案被確立之後、反盟嘅活動空間就馬上受到制肘、以後無論是想繼續潛入花旗公館偷食、抑或搞打傘運動、都必先要問過「廿三味」才行矣！大概這才是朝廷真正想要的。