鬥醜

你說我醜不是醜

諸家拼命看誰牛

左邊阿田開大炮

右邊基少露行頭

在六一八戰役慘敗之後嘅建盟正在爆發內訌、其間並無參與臨陣龜縮行動嘅田大在「飛時卜」發放一幅烏龜載眼鏡圖片、諷刺臨陣龜縮累起整個計劃的卅三人是龜孫子王八蛋。有份參與龜縮行動嘅火雲師太馬上反擊、指沒有跟隨大隊一起縮嘅人至係只知有己不知有人嘅王八蛋。再加上挖地門嘅家臣大龜林以「鱷魚淚係唔代表啲乜嘢、條條鱷魚都有發自己洩感情嘅方法、所以不應憑鱷魚淚去衡量鱷魚嘅感受」去諷剌引發龜縮事件嘅快閃林和後悔跟錯隊嘅掃把師太兩人事後流的是鱷魚淚看來、建盟內部矛盾又再進一步惡化。難怪江湖盛傳、建盟之敗是由西瓜皮作造成架啦！

呢嗱、泛盟這一邊亦是不遑多讓。就在剛過去嘅周日、涼茶在口水擂台戰之中義正辭嚴的指責殺人鯨及其盟友、在六一八被打敗之後成班友跑人西廠排隊領罪、簡直是自毀長城和破懷武林規則之舉。令人不得不佩服的是、此君居然神態自若、彷彿飯盟從來沒有就本城事務與番邦密斟過似的。不過他的盟友二馬基早已趕在他的前頭向講錯台透露、自從去年冬至以來先後八次跟番邦代商討應否接納新方案。其間各番邦代表一至建議泛盟應該接受新方案。不過二馬基講講吓忽然似遭鬼拍後尾枕般的說、新方案之爭並非泛盟與建盟之爭、而係花旗與天朝嘅角力。看來、二馬基原本是希望利用今次推倒方案嘅機會去證明泛盟並唔係聽令於番邦、奈何弄巧反拙的證實了天朝所指的「有人勾結外來勢力干預城中事務」並無花假。嗱、如果你問我究竟二馬基何以會忽然低B得咁交關、我真係唔識點答。

所以話啫、人心難測吖嘛！有些人看起來明明是個人、但偏偏是隻鬼。有些更加是人唔似人、鬼唔似鬼。要分辨誰是人、誰是鬼、談何容易？