豬八戒照鏡

你說我紅不是紅

中間著墨托水籠

一心求塊安身地

左右逢源侍西東

聚異堂開光之日的一場愚蠢嘅「正字騷」將整個政治形勢弄得高深莫測。奀症代表梁洞痕和位遊藝禎做騷做到失去議席都唔在講、更奇怪就係連被捧為主持人嘅大口梁都被牽連吖嘛！亂制派指責大口梁為破壞誓詞嘅人重新安排宣誓是越權行為、故要求他下台。泛㒼方面則指責大口梁拒絕為民選代表重新安排宣誓是瀆職行為、並喊他下台。總言之、今次大口梁猶如豬八戒照鏡、兩邊不是人就是。之但係、過氣聚異堂主持人爭六成大哥今次又力排眾議、力撐大口梁。據爭六成話、如果聚異堂主持不為破壞誓詞嘅人重新安排宣誓、就冇權宣布當事人宣誓不合格。按照爭六成嘅邏輯看來、大概係指法官不讓疑犯再次犯案然後再重新安排審訊嘅話、就無權判案咁解。連這種屁話都講得出口、難怪好端端一個紫荊城居然會淪為罪惡之城了！

呢嗱、所謂有這樣的擁躉、就有這樣的演員吖嘛！政棍之所以要在一個莊嚴嘅宣誓儀式之中加插「小學雞」動作、並不是他們愚昧、而是要以此去滿足某些滿腦子幼稚想法嘅擁躉而矣！但身為聚異堂主持人居然連自己嘅權責範圍都搞唔清楚、那才真的是貽笑大方。現在奀症兩名代表都失去了議席、試問于選民何益？于社會何益？一個身為聚異堂尊貴多年嘅人、居然是一名放棄本來國籍而轉投它邦嘅外籍人士已經係世間少有、更荒謬就是要在被捧為主持人之前嘅最後一刻才肯放棄外國國籍。難道聚異堂真的沒有更加合適嘅人選、而迫得非要選一個臨時轉軚嘅人物出任主持人不可？在下依稀記得、聚異堂前任主持人爭六成和他的幫友蘇咭片身為問卷聯正副坐館時、同樣是「棄宗投外」之人、亦同樣是在獲得高級公職之前最後一刻才放棄外國籍的。由此可見、某些所謂根正苗紅嘅人物、原來只係得啖笑。假如本城繼續由這種不倫不類嘅人物來主導、莫講話紅家會賴嘢、恐怕全城人都賴嘢至係。因為這類人心不在本城、比起擺明車馬搞對抗嘅反派來說、對本城嘅危害更加難以估算。