㒼塞

似殘似未殘

小妖亂法壇

滿城皆孽瘴

唔死一身孱

呢嗱、日前問卷聯頭目火雲師太在公開場合指、奀症嘅支那恆和扑嘢禎兩人挑起「畏安婦」傷痛喎！嘩、呢位師太咁樣講嘢、會唔會過晒火位架？喂喂、就算要打落水狗、都要打得其所才能夠令人信服吖嘛！若以火雲師太嘅邏輯來推算、挑起「架仔入侵神州」和「男驚大逃殺」、甚至更遠嘅「甲五海戰」嘅傷痛、豈不是全都要入埋恆禎兩人嘅數？嗱、唔怕得罪講句、恐怕架仔在中土「迫娘為娼」嘅時候、恆禎嘅爸媽都未曾出世喎！試問又焉能把「畏安婦」跟恆禎扯上關係？睇嚟、今次火雲師太擦鞋打錯臘、無端端予人話柄、上面唔得佢C至係咯！

所謂有政治無道義、當下罪惡城被政棍搞到烏煙瘴氣、政治盲流靠邊而站、歪理成真理、都可謂沉倫之至矣！坦白講、當年戥伯伯提出「錢照賭、女照溝」嘅五十年不變政策尚未出籠、罪惡城便開始爆發翻天覆地嘅轉變。否則、白頭平就唔使指住肥佬彭鬧佢係「千股聚人」、後來亦無須勞動當時嘅紅家會總舵主三工老爺對紫荊人講「河水不犯井水、井水也勿犯河水」嘅道理啦！之但係、城中政棍唔止將此話當作耳邊風、還要培植出一群講獨仔出來鬧爆全城。就係咁、大人咪主動「敕法」囉！眾所周知、上兩屆立例會變成垃圾會、今屆簡直連垃圾都不如、證明罪惡城早已病入膏肓、醫都嘥藥費。今日奧黑馬表明放棄那套準備孤立天朝嘅「犯太平洋經濟合作」計畫、證明佢已經知衰。其實由奧黑馬搞「亞洲再橫行」那一刻開始、心水清嘅人都估到佢將人衰收尾。因為龍的傳人有個特性、那就是「潮州佬打魚蛋」唔打唔爽。君不見花大叔越是使壓、紅家越是發奮自強。例如天朝在南海本來無險可守、但多得花大叔日日踩過界喊打喊殺、使得紅家會在該水域填島造陸、成功興建六個軍事基地。今日奧黑馬亦知難而退、但罪惡城內嘅廢青還要夾硬衝、確係懵到上心口咯！喂喂、再係咁搞落去、勢必損人累己。在下實在懷疑、究竟呢班二打六知唔知到自己做緊乜嘢嘅呢、吓？！