打蛇隨棍上

家規日漸嚴

你我皆唔掂

高人獻一計

能化你腌臢

日前唱業台忽然之間以莫須有之罪將其反調蛋后魏玲炒魷魚、隨即大反派嘅郭威師傅帶領一班手足跑到唱業台前面高調抗議、並引起社會廣泛關注。事後魏玲召開記招指該次事件完全是子雲在背後搞鬼陷害她。魏玲指出、有人話佢知督爺最嬲嘅人就係佢。由此聽來、似乎是督爺與子雲兩人夾手夾腳要揞住衛伶個嘴、但實情又是不是這樣、大概只有她自己才知到。

不知到是不是日有所思夜有所夢之故、昨晚我發咗個奇怪的夢、夢中見到阿爺覺得城中唱反調的聲浪愈來愈吵耳、令他感到周身唔舒服、於是下令各乖孫必須想辦法將那些聲浪消除。眾乖孫聽令之後便開始向自己長年光顧的唱家班着手、表示希望將唱反調嘅聲浪減致最底、以免再令老人家不安、否則就要抽起所有廣告。生意人當然不想得失顧客、於是紛紛要求旗下唱家調整歌路和降低聲線以應顧客要求。在巨大壓力之下、降低音浪和修改調子的動作紛紛湧現、而且有一名不聽話的唱壇老總首當其衝被撤換、以致整個唱家行業嘩然。有人認為這樣下去等同滅聲、唱反調這一行避早冇運行。因此必須要做些事出來挽救整個行業。

但世事嘅嘢、唔係你想點做就點做。因為不應顧客要求就難以維生、但停止唱反調就會失去聽眾、實在左右為難。之不過古語有云、你有張良計、我有過牆梯。就在這個時候忽然得高人授予一計。經他一點之下、眾唱家登時茅塞頓開。於是魏玲與子雲兩人合唱一曲打情罵俏、你唱我怕惡勢力而跪低、我唱你無中生有。就係咁、你唱吓、我又唱吓、有意無意之間就將那些所謂抽起廣告、拒絕續牌等要脅手段都唱晒出來。此曲一出街、素具政治觸覺嘅鬚咁長部長立即發表聲明、指絕不會妨礙唱歌自由、以示一切與衙門無關。呢嗱、唔怕你精、唔怕你呆、最怕你唔來吖嘛！既然鬚咁長部長咁講就通晒啦、起碼今次續牌一定冇甩拖、否則即係承認打壓唱歌自由、到時咱家社會肯定亂過亂世佳人。如此這般、牌照續、歌照唱、注於廣告嘛.....哈哈哈.....叮叮叮叮、就在呢個時候鬧鐘忽然響起、咁就唔好意思、個夢到此為止矣！