犯錯容易罰艱難
只緣高薪養清閒
行規制度皆不怕
獨怕無知變自殘
日前威記王爺醫館傳出有員工向傳媒投訴、遲到一分鐘就被上司落簿、並指有人玩針對。呢嗱、員工遲到呢家嘢點講都係犯規嘅、是否應刻受處分就要經過一番調查才可作決定。所謂家有家規、國有國法、規則既然被定下來就是要求人們遵守的。那麼、究竟這名遲到員工該不該受罰、恕在下無資格判斷。根據威記發言人解釋、在新制度之下、員工每月遲到五次才會收到提醒通知書、如果在六個月之內合共收到七封提醒通知書嘅話、即是說該員工已經遲到共三十五次之多、到時就會收到一個口頭警告。注於在甚麼時候或在何種情況下、員工才收到譴責就並無交待。
呢嗱、在下不知各位街坊對威記發言人所講的話有何感想、依在下看來、半年內遲到三十五次(扣除每星期例休兩天和公眾假期、以及每年大假)等如每個月超過四份之一個工作天不依時上班、大概可以說是屬於病態性遲到、早就應該被安排去見見心理科醫生。難怪小市民經常諷刺的說、打工最好就是打公家的工、除了薪金高糧期準之外、更重要的就是炒魷魚風險少之又少吖嘛!試問那一家私辨機構能夠容忍員工在六個月內遲到三十五次之多、而只是發出一次口頭警告?恐怕不出三幾次無改善就被請另謀高就去啦!
依在下所見、公家機構所定的規則是嚴格的、不過在執行方面卻諸多制肘而且拖泥帶水、難免令到部份員工會作出錯誤判斷。例如明明是自己違規在先、還要理直氣壯的指責上司行使何苛政。試問員工持着這種態度又點會有高服務水平可言?然而公家機構確實受三危之困、包括;(一)少德而多寵;(二)才下而位高;(三)無功而受祿。即是說有些人根本連自己應該做甚麼都未能搞清楚、就被委以重任。這類人所管轄之處自然怨憤不休、難免會是非多、而建設少矣!
古語有話「賞不行,賢者不可得而進也;罰不行,不肖者不可得而退也」吖嘛!不能做到賞罰分明、休想會有好事出門啦!係冇?
域Sir,我老婆以前在皇家警隊任職文員,懶慣自由慣,可惜移民來到呢度只打過二次工,最長個次個多月,最短個次半日,因為太辛苦,又要受氣喎。
回覆刪除其實在政府部門工作太勤力可能適得其反、因為上司怕做壞規舉吖嘛!因此能交出七成功夫嗰個已經係 outstanding 架喇!
刪除幾時見到公家機構布高服務水平?睇下房署同領匯管理商場既分別,已可見一班。
回覆刪除真係有乜野工好得過吃亞公飯!
商埸私辦之後便馬上脫胎換骨、呢啲咪就係上樑不正下樑歪嘅證據囉!
刪除若然個個都係咁,那就是唔使怕,因為法不責眾嘛,要徹底執行,我想都幾難咯!
回覆刪除假如上司能夠以身作則嘅話、相信下屬亦不敢放律的。
刪除員工上班遲到嘅現象,每個部門都存在,分別是嚴重與否,即遲到的人數及時間!但一些對公眾服務的崗位必須準時上班。我以前做會計部,有個櫃位同事,每天都遲到20分鐘,但屢勸不改,最後我以書面通知她,我會向人事科建議扣減她的薪酬,因為她的職級每星期需返足44小時!自此以後,她準時上班了,但我調離會計部後,她又故態復萌,原來新老闆其身不正,自己也不準時上班!
回覆刪除上述那位主任攪得太多花款了,中間程序太多,給人一個針對印象!而遲到的員工,竟惡人先告狀,本末倒置!如果易地而處,我會事前警告該員工,無論他的表現怎樣好,我也不會推薦一個遲到的員工升級!我會問他,假如我們調換位置,他會怎樣做?看看他怎樣回應!
據在下所見所聞、員工不守時通常是有樣學樣。如果上司也不守時嘅話、下面班人就一定會跟風。如果上司乍型肯定會遭反噬、到時唯有面懵懵架咋!如果上司本身守時而且處事開明和公正的話、即使最難搞嘅下屬也不敢過份的。
刪除我哥哥退休前服務水記,都有「秘魯」,是公開的秘密,現在我相信沒有了!
回覆刪除在九十年代中期、出入境關卡電腦化之後、政府部門的蛇王問題被曝光、除了頭號蛇王部門市記之外、水記亦排在第二位。注於私撈呢家嘢、排在首位的就是電記喇!
刪除公家員工返工放工放飯上下圍威畏,一下子嚴管,下面就不服上面了……
回覆刪除其實一切皆是有制度懶執行之過....
刪除依家地鐡成日出事, 好易遲到喎.
回覆刪除仲有, 邊個監管最高級嗰位有冇遲到?
地鐵所患的病叫外判失調症、一切皆是錢作怪。
刪除所以有啲人話要政府回收領匯, 都唔明啲人點諗嘢.
回覆刪除當年老古董話領會唔會掠水、如果係真嘅話、又點會做得好過阿公呢?
刪除原則是償罰分明,但是 當中 也需要 按個別情況 彈性處理,法律是原則,情理又要並重,我說的是一般情況而已。
回覆刪除妳講得有道理呀!
刪除地鐵久不久失靈,想不遲到都好難了。
回覆刪除分錢分貨、外判是以低價投中支標來做、試問點可能做出高價般水平嘅服務呢?所以低低哋係正常嘅....遲到?無法架喇!
刪除域兄晚上好,
回覆刪除尸位素餐很常有
高薪厚祿兩頭遊
莫道亞公養閒人
勤勞懶散同報酬
阿公揀卒無厘頭
刪除十足功夫當九流
豬朋狗友掹衫尾
慶賀升官上青樓