呢嗱、政府度咗條新橋、以定額罰款對付店鋪阻街、並將議案交由議事堂審議。睇嚟今次政府學精咗、曉得將個波交由議事堂去踢、以後無論是吉是凶都唔使由政府獨個兒孭上身吖嘛!講真啦、如果定額罰款真係
work
嘅、又何須等到今時今日才去做?依在下睇、呢條
C 橋旨在搵個部門孭隻鑊上身、但做落去可能會衰過做女嗰陣時。事關定額罰款呢家嘢係無「因人而罰」嘅功能、無論被告人犯法幾多次都只係照單交錢搞掂。然而將被告人送上法庭就唔係咁輕鬆、事關法官見被告人犯法次數越多便罰款越多。咁你話嘞、定額罰款嘅阻嚇嘅力度係唔係比前大大減弱咗呢?