自助餐 vs 第二戰

阿飯死口話唔嫁

老總惟有玩齖齰
兩家大纜絞唔埋
留待街坊草其馬

近日江湖傳聞指總公司已經認定「自助餐」計劃夭折比順利登場更加有利可圖。因此決定企硬兼半步不讓、任由飯仔將檔整個計劃搞垮、到時總公司就要讓飯仔在來屆嘅話事堂VIP擂台大賽之前先行飽嘗斷糧、斷水、以及人氣盡失嘅滋味、然後再在擂台上打落水狗。只要倦仔在擂台大賽之中奪得VIP席位超過總數三份之二嘅話、到時無論是「廿三味」抑或是「國民咬肉」等項目自然可以順利推出市場、而飯仔想反對亦有心無力矣！

路邊社報導指出、飯仔在較早前曾經派出一個七人代表團到寶島訪問、期間與「太洋花」大導演輸命得探討合力泡製「第二戰」並在兩地同步上演嘅可行性。但飯仔內部認為有人架空飯噏會而先斬後奏感到十分反感。目前飯仔內部對於是否參與演出山姆公司投資嘅「第二戰」未能達共識之外、對於是否接受分公司提出嘅「食住先」計劃亦是意見分歧。當中一群數目不詳嘅飯噏會成員不甘心被「黑柑五仁棗」牽着鼻子走、所以暗中另起爐灶搞了一個飯煲會、並決定同撈同煲共同進退。從近日有個別飯仔在公開場合批評自己友死牛一邊頸實為不智、又有人發表署名文章跟「黑柑五仁棗」打對台、再加上老牌幫會傳出要踢走內部不同聲音等跡象看來、傳聞並不似是口痕友發噏風咁簡單。據說城中幾家大水庫被迫向飯仔閂水喉。不過與此同時、山姆公司卻主動將飯仔嘅演出費大幅度調高、作為大水庫暫停泵水嘅補償。睇嚟、一場六國大封相又快要上演了！大家不妨拭目以待吧！