2014年3月3日星期一

狼女vs星哥的啟示



你講東時我講西
猶如鴨乸遇公雞
既是閒人講故事
何必鬧到要趴低

自從柳書生遇襲入廠之後、江湖上議論紛紛、有傳是與他的職業有關、亦有人認為可能有其它原因。基於柳書生是報導界大哥大、難免會有誤踩地雷嘅時候、所以打壓報導自由被捧成為整件事嘅主題。然而這種尚未獲得足夠證據支持的猜測也非絕對無受到質疑的。日前遠在番邦遊學嘅二狼女在社交網站發表一編質疑今次伏擊事件未必與報導自由有關的文章、並惹來一眾網民強烈不滿、期間有位影壇哥仔在回應時直指二狼女無知和冷血。

恕在下冒犯講句、這件事對於局外人來說大概可以用無知來形容、假如有人認為自己知到內情、那就應該趕快去巡捕房提供資料協助破案。姑勿論誰是誰非、總言之這件事反映出但凡過度感情用事、人就會變得固執、無論是對人抑或對事都可能存有偏見。這種人性弱點往往在羊群心理嘅大環境之中曝露無遺。須知到當感情打敗了理智嘅時候、人就會失去以客觀角度去看待事物的能力。所謂差之毫釐、謬以千理、真相就永遠石沉大海。但是在群情洶湧的情況下、若然有人膽敢講出與大多數人相違的話就會被視為異類、嚴重者更會變成人人喊打的過街老鼠。因此今日政壇上不少政客都喜歡站立在牆頭上等風吹、所謂順風則順水、順水便可以安全上岸吖嘛!

呢嗱、誰說紫荊城嘅官員和政客的政治敏感度不足?今次官方政壇兩路人馬爭相譴責暴力行為、繼而爭先恐後的跑到醫院探望柳書生。不過有人似乎忘記了一個剛剛受到重創的人最須要的不是探望、而係休息。由此可見、擠進病房的人究竟有幾個是真的關心柳書生、大概不言而喻。難怪在下經常聽到人說、人們之所以急着在一些事情上表態、無非是要跟那件事劃清界線而矣!

假如今次真的是有人企圖以暴力去迫使一名孱弱書生就範嘅話、實在愚不可及。俗語都有講啦、若要人不知、除非己莫為吖嘛!怕別人講、最佳辦法就是別作惡業、靠惡就能夠解決問題嘅話、早就天下太平啦!喺嘛?

20 則留言:

  1. 人人趕住去探病,
    唔會有人唔知訂.
    個個爭住同佢講,
    唔係我嚟攞你命.

    回覆刪除
  2. 這就是民主,我發言可以,你發言就冷血,阿哥,要做戲返銀幕啦。

    回覆刪除
    回覆
    1. 有我講冇人講成為大氣候、難怪有人話紫荊正在步向赤化啦....

      刪除
  3. 嗰啲有心嘅傳媒和政客,就係利用呢種人性弱點,大做文章,達到一己私利,至於當事人,在他們眼中只係棋子。

    回覆刪除
    回覆
    1. 但凡靠政治圖利者難免損人利己....

      刪除
  4. 我想, 如果D人諗同新聞自由有關, 這個都未算最壞的情況, 如果D人諗同香港治安有關, 個個都怕俾人咁揼法, 個個唔出夜街, 一入夜唔落BAR唔行尖沙咀中環, 香港經濟立刻收皮, 這個才是二狼神的惡夢. 現在人人都諗同新聞自由有關, 就十分容易處理了, 二狼神一個讉責聲明, 阿爺隨手報導二狼神的聲明, 就人心安定哂, 唔會再有任何問題了, 當然之後點查法, 查到D乜出來, 只是用來安撫人心吧, 是否係事情的真相, 那就不用理會了. 所以, 就算唔係同新聞自由有關, 都唔應該一語道破, 省得令到香港人心更不安.

    回覆刪除
  5. 無論是什麼動機,襲人是冷血!

    回覆刪除
  6. 狼女~簡單不果~~~有其父必有其女.
    /狼父都係做下戲,交下功課比大家睇姐!

    回覆刪除
  7. 我不認同是打壓報導自由,我相信他曾作出的報導,將某些人的罪行,掀露了出來,或已引起執法者的注意,結果老羞成怒,買兇下毒手!

    回覆刪除
  8. 我理解打壓報導自由,應是同政治有關,但我相信這次是跟犯罪有關!

    回覆刪除
    回覆
    1. 唯望巡捕房早日破案就是。

      刪除
    2. 多年來久不久就有區議員、報界等多人被襲,單單兇殘狠辣,可從來沒有一單被偵破。
      職業殺手周密行事,往往難以偵查。

      刪除