2013年11月8日星期五

發牌事件繼續發酵



萬事我為尊

安能任倒顛

前途早已定

何以氣沖天



經過一連兩日商議、擺上大話堂議事桌上的引用「凸拳法」議案終於有了結果。正如在下早前所料、議案在不夠票數支持之下而被否決。簡而言之就是紫荊人被人白白耍一場。不過別以為事件就此結束、事關大反派尊貴黑仔桃事後公開宣布更改牌頭、由先前迫使督爺交出發牌文件、更改為直接要求督爺發牌給落選公仔箱公司、而另一邊廂異能組尊貴奶缸又喊運用凸拳法向落選公司老闆索取四份有關文件。呢嗱、話就話牌頭已經改變、但鬥垮鬥臭嘅本質卻沒有分毫改變過的。


大話堂門外聚集了兩幫人馬、一幫是要求督爺公開機密文件讓大家看個清楚、而另一幫則是支持督爺企硬執行保密制。在下有點懷疑到底那兩群人是否知到自己在幹啥?當前社會上有兩派輿論。首先的是指大反派迫使督爺公開機密文件、其志只在奪權。第二種是說法是、亂制派支持政府繼續利用保密制作為拒人於千里的手段、簡直是盲目撐黑箱作業。呢嗱、從表面上看來無非是一個「信」字作怪。否則點解「行企主導」在紫荊城行使百年從未受到挑戰、而偏偏要在改朝換代之後人人對此喊殺連天?



在下不敢排除在發牌過程之中會有不公平嘅可能性、但亦不得不質疑何以人們不肯耐心等一等、待得那兩個新公仔箱正式開檔之後再作反應、而偏偏要在一切都盡是未知之數之前就一咬定冇咗落選公司唔得?在下更加懷疑、假如落選的是另外一家公司、人們是否同樣會將件事搞到咁大陣仗呢?



曾經有人問我、點解發牌事件早不爆、遲不爆、而偏要在「三盅茶會」舉辦之前才爆發出來呢?在下登時被考起。但有小道消息顯示、今次萬歲爺擺設的「三盅茶會」可能會將「聽改謊案」定位。恰好發牌事件在此時不斷發酵、足以將人們集中在「厭中」和「聽改謊案」的視線轉移、而總督衙門便可以獲得更充足的時間和空間去預設視聽頻道、好讓大家一擘開雙眼便能見到朝廷為你而設嘅靚畫面。咁講法、唔知你又信唔信?

25 則留言:

  1. 我覺得愈嚟愈多巿民對狼英不滿,任何事件只不過係導火線,我相信類似事件會綠續有來!

    回覆刪除
    回覆
    1. 少咗喇!都冇上次國教咁多人!

      刪除
    2. 其實對他不滿的主要因素就是他的「紅門」背景吧....

      刪除
  2. 我好有興趣知道唔發牌比維基兄嘅「真正原因」???

    回覆刪除
    回覆
    1. 聽說有人參落選老闆一本、指他與大反派好傾好講喎....

      刪除
  3. 很無奈,勤力是無用,懶惰者才會成功,還有真理必輸,保皇黨指鹿為馬.

    回覆刪除
  4. 你好, Louis 一件又一件, 天下事情。。。不了了啊

    回覆刪除
    回覆
    1. 目前形勢之所以亂、一切都是『錢』作怪!

      刪除
  5. 覺得係呀爺開始要將HK改朝換代,慢慢(中資)就會殺入HK年代.
    50年不變~~~其實已經慢慢改變中...同時大家念下點解唔比(唐唐)做特首!....原因好簡單喇!..

    回覆刪除
    回覆
    1. 如果依足殖民地政府那套一切不變反而啱晒阿爺心水、不過事頭婆派肥彭到來改到連阿媽都唔認得。從那時起在下就知到50年不變後面要加上(至奇)二字才對!所謂你做初一、我做十五、50年不變早已淪為笑柄矣!

      刪除
  6. 香港人不嬲都是政治冷感的,為何回歸後就甚麽都變了?究竟出了甚麽問題,是否大多數人思想上成熟到可以自以為是,或隻手遮天?

    回覆刪除
    回覆
    1. 如果回頭睇真少少就不難發覺在殖民沒期一切開始大轉變了!回歸之後只不過是承前啟後之舉而矣!

      刪除
  7. 我係三冇人仕,冇黨派冇政治背境,冇宗教信仰的人,我追求民主法治,社會公義,一向討厭共產黨,同共產黨邊有得傾。

    回覆刪除
    回覆
    1. 其實很多很多人都是追求民注法治、社會公義、但現實顯示這些都是願望而矣!在下實在看不到世上真的有這回事。民主如花旗亦不見得真的能夠得到、否則又點會有走徒特工嘅醜聞?講到老共、你還相住今日的共產黨真的是共產黨嗎?

      刪除
    2. 我都係三冇人仕,冇黨派冇政治背境,冇宗教信仰的人,擁護民主法治,社會公義,也討厭共產黨,希望人人食得飽著得暖,人人有工做!

      刪除
  8. 似乎落選公司老闆已知真相,又不能直說,何其黯然無奈!

    回覆刪除
  9. 大話堂除左識互鬥互毆外,還識會甚麼?
    呀!各自攞著數!市民呢?
    也是這幾年令我對傳媒的威力,大開眼界。

    回覆刪除
    回覆
    1. 堂上有四幫勢力、包括:1.紅門老祖幫;2.地產霸權幫;3.大北劣癲幫;4.花旗帝國幫、而每個幫都有擁躉、傳媒易然....

      刪除
  10. 電視王國好夢成空,解散了這麼多人,當然是群情激憤啦!

    回覆刪除
    回覆
    1. 以觀眾而言當然越多選擇越好、但只要有人的地方就難免會有壟斷出現....

      刪除
  11. 冇法啦, 當領導人乜Q都唔啱嘅時候, 講多無謂. 不如洗牌玩鋪新嘅仲好.

    回覆刪除
    回覆
    1. 相信今次決定非紫荊人意志所能轉移了....

      刪除