2013年11月22日星期五

群藩起哄



雖有曹操計
難敵諸葛候
食而不知飽
往後盡苦頭

日前問卷盟表態不會支持施威政府將西浪大列入搞嘢公園範圍、理由是政府並未曾為疆藩居民提供適當發展機會。但實情是村莊裡的大部份人早已移民到前事頭婆祖家去、目前只剩下寥寥十數名長者仍居於村內、所謂適當發展大概是發錢吧了!點解?原因很簡單、如果政府宣布將該處土地劃作發展區域的話、相信身居海外的藩民馬上返來大興土木興建釘屋、到時淨係賣樓都賣到手軟、真係想唔發都幾難矣!然而施威政府不獨止不協助藩民發錢、反而將西浪大撥入搞嘢公園範圍、分明是斷人財路、身為人民代表嘅問卷盟當然是義不容遲的出來表態反對一下。

說也奇怪、那群一向逢施督必反嘅大反派、今期居然聲稱將會糾集人馬上街支持政府將西浪大撥入搞嘢公園範圍、這趟豈不是阿奇生阿奇?傳聞指施督為着要報當年無辜被屈擺設江湖飯局之仇才斷人財路。不過依在下看、問題不在於個人因怨、而可能是朝廷對邊疆藩鎮嘅策略有所調整。然而大反派就好少理、總之一有機會便實行火上加油。因為只要疆藩與施督翻臉、亂制派的內部矛盾勢必激化、在此消彼長之下最能獲益的自然就是大反派。不過施督何嘗又不是利用西浪大去促成大反派與疆藩對着幹?據說該藩主牛王叔勢想不到在大歸前被封為邊疆大王、大歸後卻被人踩到上心口、而且固有利益不斷受到威脅、心中當然有氣。今次就是要拼過明白、看看朝廷是要過橋抽板、抑式是施督咄咄逼人。呢嗱、世事幻變無常、人嘅利用價值亦因時而異、昨天的好材料、今天可能是絆腳石、人若不能知己知彼好快就會玩完。君不見老祖宗嘅親密戰友冧彪是怎麼樣下場的嗎?

22 則留言:

  1. 其實尐例係香港做殖民地,班英國佬要嚟安撫班鄉紳的。依家都回歸咗啦!可唔可以取替刪除咁呢?

    回覆刪除
    回覆
    1. 登伯伯話過五十年照舊、即是說明尚有半個世紀着數吖嘛....

      刪除
  2. 大反派變支持者?能挑撥離間,搧風點火,當然樂意了。
    不過真的會對施督有利嗎?

    回覆刪除
    回覆
    1. 只要能嘩眾便可以取寵、即使不能取寵亦可令對手閉翳、相位無論是大反派、亂制派、抑式是施督都不離其中....

      刪除
  3. 世事如棋局局新
    政客似狐個個奸

    回覆刪除
  4. 群囂鬧哄哄,又話要佔中。人民與官爭,無日可安閒。

    回覆刪除
    回覆
    1. 這就足以證明人們無機會有“錢途”之上搏殺、自然會攪攪架喇....

      刪除
  5. 充公私產, 「官迫民反 !」

    回覆刪除
  6. 我就話一字咁淺,有著數就讚成 ...... 因為啲地唔係自己吖嘛!

    回覆刪除
  7. 依你看......香江會有真民主普選嗎?唉......我不太樂觀......

    回覆刪除
  8. 以前有政府官員想入新界,土皇帝唔保証安全的話,冇人敢入

    回覆刪除
    回覆
    1. 時移世易,土皇帝不敵北大人喇!

      刪除
    2. 前殖民政府利用以華制華、今日是利用矛盾制矛盾、明天又唔知用那一招....

      刪除
  9. 我相信北大人都覺得呢班土豪愈嚟愈氣焰廹人,係時候要俾番啲顏色佢哋睇睇,壓壓佢哋嘅氣焰!

    回覆刪除
    回覆
    1. 呵呵。阿爺從建國都是楸一派,打一派是也。

      刪除
    2. 一切皆在於利用價值之上、有價值者留、冇價值者則....

      刪除