2015年2月27日 星期五

誰在掩耳盜鈴?



真貨運出假貨來
諸君發難我發財
閉門了解天下事
方知混蛋有人抬

俗語講得好、怪事年年有、今年特別多。明明係水貨客搶高日常必須物品價格、以致大眾怨聲載道。點知忽然之間演變成譴責趕客激進組織鼓吹「講獨」、而基層市民要求打擊水貨活動嘅聲音、就在一遍喊打「講獨」聲中被淹沒咗喇!所以話啫、有政治無道義真係都冇講錯嘅。事實擺在眼前、紫荊城裡面只有正反兩大政治陣營當主角、縣府是佈景板、而一般市民只是觀眾而矣!

2015年2月24日 星期二

神話破滅



才子當年曾開腔
英人紳士拒貪贓
今日神話經自破
紳衿食水勝豺狼

有報導指出、英國過氣外相兼現任國會情報及保安委員會主席聶偉敬爵士對「PMR」傳訊公司派出嘅臥底記者透露、可以憑藉他在政府內嘅人脈關係為投資者搭通天地線、安排有關人士與世界各地英國大使認識、以及寫信給部長級人士確保有關公司身份不被公開、但是每半日收取五至八千英鎊酬金。另一名過氣外相兼現任下議院議員施仲榮自爆英國糧食貿易公司每年付他六萬英鎊換取影響歐盟嘅政策。他還自誇在2011年曾經對烏黑蘭當時嘅總理阿扎羅夫軟硬兼施、成功迫使烏國取消對英國糧食公司不利嘅法例、暗示其力量可以伸延至東歐。當事件曝光之後、兩人均已被停止黨內職務和等候紀律委員會調查。

2015年2月22日 星期日

市民有義務要為戰中埋單?



呢嗱、開講都有話、一年之計在於春吖嘛、在下恭祝各位博友人人身壯力健、個個財源廣進。恭起、恭起!
~~~~~~~~~~~~~~~~~~~~~~~~~~

2015年2月18日 星期三

我的羊年預測





各位街坊、轉眼又到大除夕了!在下提早向各位拜個早年:

闔府開心慶團圓
精神爽利接新年
財神對你多關照
一年到晚樂天天

2015年2月16日 星期一

自毀長城

世界難撈君莫嘆
只怕養成大食懶
向學無心消歲月
拉幫結黨惹麻煩

最近反派喉舌指金紫荊大老爺阻止綽號「金雞獨立」嘅蚊蚊大教頭參與遴選副館長。原來反派只是憑藉大老爺講過嘅一句“到目前為止、館委會都沒有任何人企出來、證實我有做過啲咁嘅事”就斷定他曾經向館委施壓。他們認為如果大老爺真的沒有做過那種事嘅話、必定會肯定的講自已冇做過、而唔係玩弄「語言偽術」把戲。呢嗱、這種口同鼻拗嘅事、根本上拗極都無結果的。但奇怪的是反派喉舌居然不以為然、繼續大煲其冇米粥。呢嗱、經在下打探之下所得、原來反派喉舌之所以不肯停止對大老爺攻擊、是因為本地官方喉舌連日來不斷拿蚊蚊教頭嘅「金雞獨立」稱號來說話、並批評他只不過是沽名釣譽之徒、根本無資格當副館長、所以反派喉舌就那大老爺來開刀。

2015年2月14日 星期六

究竟誰才是主人家?

排華不排洋
背後有無常
紫荊何處去
扮鬼拆屋梁

紫荊大教館館長這個位向來都是利洋人不利華人。大歸之後曾經有兩名華人出任館長之職、但其人還未就任、就遭受到「講讀生」群起反對。上任之後不斷受到衝擊和批鬥、甚至連雞毛蒜皮都要被人拿出來清算。由於日子實在太難過、結果兩名華館長都是知難而退。因此、大教館館長這個油水位又再度落到洋人手中。到底其原因何在呢?有人話、講得好聽就是大教館歷代英靈庇佑、講得難聽啲就係長期鬧鬼至搞成咁喎!

2015年2月12日 星期四

宮能組穩如泰山



你愁好過我來愁
宮能議席勢保留
勿謂當家無義氣
得心應手永無憂

日前湯大狀師提議、如果朝廷能夠答應在下屆人民公社取消宮能組嘅話、他可以說服反對派支持金紫荊改革方案。呢嗱、以在下這類小市民來說、如果能夠掃走被譽為權貴代表嘅宮能組、當然舉腳贊成。之但係對朝廷來說、冇咗宮能組等同在紫荊城主導權方面斷了一臂、認真唔講得笑架!現在嘅問題是、你會相信湯大狀師真係連咁都睇唔出嗎?若然係知到嘅話、何故明知不可為都要提呢?我想這是值得想一想的。

2015年2月10日 星期二

縱容走私後患無窮



勢態已凶不認凶
走私全賴有諸公
官商語調同一轍
夾道狂吼當認同

呢嗱、紫荊府衙將走私行為視作為水貨活動、令到紫荊蟻民喊苦連天、以致本土主義抬頭、並直接衝擊到來辦貨嘅表叔表嬸。事頭黨首領方大叔居然話老表向往紫荊人生活、才會跑來辦貨。不知到各位聽後有何感覺、但在下就覺得那是狗屁不通的謬論。以其說老表向往本城生活、不如直接講他們是為着圖利而來更為貼切。否則人家又點會冒着被人攔途辱罵嘅風險、都要跑來辦貨呢?

2015年2月8日 星期日

講獨 意淫 研究



意淫抑或造研究
局外之人難看透
學徒舉動惹質疑
指着老爺稱賊寇

最近紫荊大教館學徒會出版嘅賀園月刊登出一編署名文章、內容十分惹火、而且極具挑釁性。有人質疑賀院意圖鼓吹「館獨」。又有人話學師仔集體意淫。亦有人話佢哋只係造學術研究。喂喂、如果真係要館獨、大教館根本不具備這種條件。若然話學師仔集體意淫、即係暗示大教館誤人子弟、又稍欠說服力。如果話係學術研究嘅話、文章內容又確有向教館董事會宣戰之勢。究竟實情又係點嘅呢?在下也搞不清楚、不如大家先看看下文、由你來判斷吧!

2015年2月6日 星期五

陰謀論 之 山姆捉蟲

難分好與醜
人面猜不透
遠看似繁華
近睇無藥救

一 個被譽為義士難孔武組織嘅團體、近月來連繼斬殺多名東西方人士、並榮登犯眾憎一哥寶座。有說此組織是由前巴比倫革命分子演變過來、其中部份骨幹人物是由山 姆家特工訓練出來的。據說年前山姆家過氣大總管嘻揦脷曾經公開親口承認、義士難組織在未變身成為孔武組織之前、山姆大叔曾經是該組織嘅導師和米飯班主。本 來山姆大叔嘅如意算盤是利用義士難組織嘅用信來派去牽制同宗嘅烚業派。但係事與願違、義士難組織嘅胃口原來是要吞併烚業派、並且將整個地球變成信來派地 盤。難怪有人話、山姆大叔鋪鋪都係養狗咬心口嘅。

2015年2月4日 星期三

反盟阿豆官



搬石自砸腿
民仔譽插水
友朋無力挽
賣砧送大鎚

昨日某報社編輯部本來要將一編「南天門鹿死誰手之迷」嘅舊聞重新包裝再登、但被總編輯刪除、結果在城中引發起一場爭議。問題是「鹿死誰手」內容述及的都不是新聞、而且在互聯網世界早已傳到街知巷聞。何以有人會如此無聊、將一編毫無新聞價值嘅文章佔用頭版空間的呢?說穿了就是政治因素所作的怪。據說自從戰中一役之後、反盟民望大插水、加上周日人陣發動嘅「我愛真補丸」遊行示威參加人數嚴重不達標、以至示威變成示弱。因此有人打算公器私用、企圖將一編舊文翻新之後作為報章頭條、希望藉此重新燃點起紫荊人對紅家會嘅舊恨、從而把反盟失去嘅優勢挽回。

2015年2月2日 星期一

死雞撐飯蓋



當年此陣猛而剛
今人望見心驚慌
贏輸得失唯爾是
緣盡不再為卿狂

剛過去嘅星期日人陣發動我要(真補丸)大遊行、並邀得戰氏三兄弟、雙鶴、反盟等星級人馬助陣。本來預計會有五萬人參與、殊不知到正式開始遊行時、任人陣點講都係只得一萬三千人左右、而巡捕房紀錄卻只有六千人左右。換言之條數點計都不足預期嘅三成、直情係歷年新低、咁就梗係大失預算啦!係嘛?點知事後人陣居然話人數少不得如接受「待住仙」、而戰中廷大教頭亦揚言指、不相信打傘革命嘅力量一夜消失、少咗人參加嘅原因係市民暫時休息。嗱、嗱、嗱、教頭即係教頭、明明被人打到連牙都甩埋、居然還可以理直氣壯的對人講、只係剝掉了幾隻蛀牙而矣!