唔係秘史（二）

我勸你聽不願聽

再講無謂免嘥聲

當初錯在圍威喂

問責不通落重刑

歸本法過氣大法王橋表揚以個人身份帶備敬酒南下罪惡城、準備為一姐回心轉意開啟防毒法立法程序而乾杯。殊不知反派一口咬定、橋法王帶來嘅係罰酒。嗱、咁就奇嘞、難道閣下嘅家人安全“因部份「架忌冷」嘅胡作非為”而受到嚴重威脅嘅時候、你還會跟別人舉杯慶祝嗎？當然、即使你高舉嘅係敬酒、那些視你為敵嘅人都會講成係罰酒。當你發現、原來你將一筆投資交到一個存心不良嘅經紀手裡而危及你嘅利益、又因形勢所限而不得將之立即炒魷、難道來一趟先禮後兵都唔得？如無猜錯的話、紅家很快就會真的送罰酒過來。大家走着瞧吧！

無論你信唔信都好、在下早就講過反派一直都係依照花大叔嘅指揮棒而起舞的。今次喪普採取歷任花家頂爺都不曾有過嘅卑劣手段來對紅家、而反派嘅動作亦已經跟花家睇齊。早前嘅黑金大放生事件、成立五毒同盟、妖蜓公開播毒、免卻打柴四人組嘅欠債、拖延訂立防毒法等、一切都是歷歷在目。剛剛香梗眾痴嘅代表兜婷又跑到花家去、盡其唱衰龍族之能事。在下實在想不通、何以人們居然看不見紅花兩家形勢逆轉？從前紅八叔叫花大叔做紙老虎、現在輪到花大叔稱紅八叔為紙老虎。從前花大叔與其白番盟友聯手抵制紅家、而今日卻有一群人追隨紅八叔對抗花家飛擒大咬獨食獨肥。到咗今時今日、全世界都見到紅家是當頭起、而花家是處於當頭跌嘅狀態。否則、花家就不必跟紅家打「貨幣戰、貿易戰、科技戰」以求全面拖慢紅家嘅急速發展、好讓自己能取得更多時間去收服失地。無奈、罪惡城有一群㒼塞透頂之士硬係要跟紅家搗蛋、萬一迫得總舵反面向本城實行鐵腕政策嘅話、到時就真係喊都無謂咯！