局長勸你去包容
你對局長氣沖沖
雖然怪事經常有
屎入門來第一宗
呢嗱、唔知邊位街坊咁惡作劇、好寄唔寄、居然先後寄三包屎給騎呢蘇局長嘆、睇來今次巡捕房又有排忙矣!這宗恐怕是本城開埠以來首宗不文奇案矣!唔知呢單嘢是否由於日前騎呢局長呼籲市民包容祖家孩童當街拉屎、而導致今次被人惡搞?如果係咁就認真唔應該。俗語都有話、所謂己所不欲勿施於人吖嘛!有啥唔滿意大可以講出來讓街坊評評道理、無須玩「核凸」啫!如果被人捉去坐花廳、就真係蕃薯跌落風爐、該燴架喇!知冇?
在下忽然記得那位號稱鐵娘子的前副總曾經講過、要她答應放人入紫荊城很容易、但要她再收緊就很困難。現在看來她所言非虛、湧入本城的祖家來客易放難收、而城中配套已經不勝負荷、並激發地兩地人民矛盾之爭。祖家疊水之人炒起咱家的樓價、發了地產霸權而苦了基層大眾。另外祖家水客炒起咱家的奶粉、藥物、日用品的價格。對於生意人來說當然是不可多得的機遇、但對於手緊的家庭主婦而言就是雪上加霜。現在連火車地鐵等交通工具也多得祖家來客帶挈、終於擠到連阿媽都叫救命。然而兩地官老爺卻不約而同、將紫荊人與祖家來客的矛盾、賴在文化差異之上。正當紫荊人有冤無路訴之際、騎呢局長居然向市民呼籲包容祖家人文化、自然會成為箭靶。連日來他老人家被人日插夜又插實在也不好受。本以為他公開澄清並非叫人包容小童當街拉屎、事件就可以告一段落。勢想不到竟然會有人惡搞到送他三包屎、結果是不能包容矣!
講開又講、祖家人不斷湧入紫城掃貨、足以反映出祖家出產無法令人安心使用。如果情形繼續惡化下去的話、兩地矛盾勢必加劇。然而紫荊衙門在這方面卻是愛理不理、祖家似乎是一於少理、那叫紫荊人點算好?總之一句阿呢吉帝矣!
玩到無嘢好玩 , 來玩屎 , 唉
回覆刪除好難講喇、誰叫咱家香江人個個(慶)合合、人人氣出煙?
刪除哈, 咁都得, 咁既野攞來玩....
回覆刪除呢啲叫作玩到冇嘢好玩吖嘛....
刪除我喺度呼籲,請大家對蘇局長嘅言論包容一吓!所謂人在江湖,身不由己。蘇局長如無北大人的祝福,無以有今日!!我哋讀聖賢書,要懂得報知遇之恩。所以蘇局長順應來自北方嘅說話,確實無可厚非,再次懇請各位,包容包容!
回覆刪除包容包容!我就黎怕咗的豆沙包啦!
刪除呢啲就係愛乜愛物嘅好處吖嘛!不過唔知到係愛「熊貓」抑或是愛「風葉」多啲呢、吓?
刪除口講包容冇用, 政府應該推行睦民教育, 宣揚推己及人的愛心。例如香港全民每戶派標紙貼在自家屋門上, 標紙印上「歡迎同胞入屋方便」。如此一來, 任何同胞無論老、壯、婦、孺、男、女如有三急. 毋需頻撲, 只需隨意敲門, 方便之門自會大開。一百萬戶可招呼N百萬人次。 為鼓勵市民參與, 社會可考慮按月給市民提供廁紙和津貼沖廁水費。推而廣之, 更可鼓勵市民幫同胞拖行李箱。 此法如收成效, 定能增進社會河蟹, 拉近兩地距離, 消弭戾氣。包容之風自成矣。
回覆刪除好提議!唔該,借個用用!
刪除哈哈、人家花旗佬喊天朝開放「領空」供他使用、而你就叫咱家人開放「領廁」供老表使用、果然有見地呀!
刪除我都贊成兩地文化不同,應該要多多包容。
回覆刪除不過包容唔等於佢地可以當街如廁,我就唔信佢地唔知道咁係唔啱嘅,只係諗住過左海就係神仙。所謂入境要問禁,正如高局長話齋,佢犯法我地就要執法嘛,教訓得多情況就會改善架喇。
講真,咁多睇唔過眼嘅野,你話有幾多係幾十年前香港人嘅寫照?
在下這一輩老鬼當然見過五六十年代香江人隨街放飛劍、細路哥踎在坑渠扎馬、阿媽抱住個女在渠邊開大小等壯觀場面、恐怕七十年代或以後出生嘅人無這方面的見識矣!
刪除一句「包容」換來「包屎」,是要看蘇能否包容!
回覆刪除老蘇當時正在身處法蘭西嘆緊「掘難地」、收到米田共嘅大概是蘇師奶而矣!
刪除我覺得應要對那些地産霸權者,和來港搶購日用品人分開以消費稅來作專項處理。
回覆刪除這可能有人不同意,但徵得的稅收可補貼港人失去的部分,又或用來鋪設不夠用的公共設施!
不過這樣做有技術上困難。首先是地產霸權並不是芝麻綠豆般大的地方官吏可以惹得起、其次是凡入境者都是遊客、要分類打關稅說易行難、若一不小心就會背上歧視內地遊客之罪、對香港嘅國際聲譽定必有負面影響。所以嘛....唉!
刪除我都知係唔得,只不過講出嚟發洩一下,但若從這概念著墨,定可想出些辦法罷!
刪除對呀、在下也有同感。
刪除本國吾爭氣,全部都假野,新甲午戰爭,真是難想像,日人在磨刀,國人何抵擋。
回覆刪除阿爺常喊咱家香江人愛乜愛物、但自己嘅子孫和親戚卻專做敗壞門風嘅事、甚至不息以累起全家而自己發大財、咁你話係咪好諷刺?
刪除唔係呀,咁都寄?寄比日本仔的首相就差唔多,因為日本仔食屎,仲唔平架。
回覆刪除喔、若非wai兄下提起、在下也忘記世界上有隻叫安屁晉三嘅食C狗呀!
刪除無言啦。。。。。
回覆刪除好多人都係咁話架....
刪除域兄午安,
回覆刪除母親節快樂,
大陸香港一家親
無謂玩到屎上身
當年董伯求開放
如今卻話神鬼憎
華娃兄、你好,
刪除.
本來兩地同根生
奈何搞到厭和憎
今日向人翻白眼
他朝賣苦更賣貧