2014年4月12日星期六

目的何在?



孖田做夢過洋江
十六年來一煲湯
良心不知情已誓
期望黑馬大幫忙

正當天朝為扶桑和呂宋兩國分別在東南二海興風作浪與花旗鬥法之際、長期在榕樹頭打躉的講古二老(孖田大叔和良心大姑)不惜攀山涉水的跑到花旗狀告天朝違反「一個兩制」大搞「假譜選」、並要求花旗大帝奧黑馬替紫荊人主持公道。在轉轉安排之下、雖則未能為奧黑馬所接見、但能夠見得到第二把手拜凳、總算不枉此行。

呢嗱、講到花旗這一家、不妨先講講那位早前曾在扶桑和呂宋兩地隔洋向天朝叫囂的花旗國防部軍頭蝦格羽。日前當他在天朝訪問期間先後被天朝軍中第二把手樊總、以及國防部軍頭常總噴到一面屁。樊總直斥哈格愚在扶桑和呂宋兩地發表不利天朝的言論、並表示天朝人民和他本人對此感到很不滿意。常總當面指責花旗一邊說着與天朝交朋友、而另一邊又糾眾在其周邊攪風攪雨、並聲稱天朝三軍皆準備好隨時回應一切挑釁行為。呢嗱、軍頭講得如此坦白、就是警告花旗若然再踩過界、就會有兵戎相見嘅可能。由此可見、孖田大叔和良心大姑此行又是嘥聲壞氣據多矣!

話說回頭、其實大家都有眼見、天朝最討厭的就是外國勢力指手劃腳、而且從不賣賬的。但令人費解的就是、人們明明都很清楚這點、卻又三番四次的去要求外國勢力介入。更令人不解的就是、他們何不跑去有份參與泡製「歸本法」嘅英吉列或向聯合國人權委員會投訴、而一定要跑到花旗去?人所共知、在歐洲失勢的花旗早就暗中向東南二海的石油和天然氣打主意、再加上要為軍火商在東亞這個經濟起飛之地拓展軍火市場、於是利用亞洲再平衡為藉口、挑起各國與天朝之間的矛盾、並暗中在所有與天朝有領土爭議的國家背後撐腰。安南就是在花旗及其西方盟友幫助之下、公然在天朝領海非法開採石油和天然氣。就係咁、安南的國民生產總值便快速增長15%。東亞小國見狀自然紛紛擁抱着山姆大叔的腿不放矣!花旗得勢不饒人、除了糾眾圍堵天朝之外、還鼓動扶桑和呂宋分別在東南二海不斷的向天朝叫囂。這足以證明所謂亞洲再平衡是假的、亞洲再搗亂才是真的、為的就是要抑制天朝發展和在亞洲的影響力、由自己來駕馭一切。事實證明自從紫荊城大歸以來、講古二老要求花旗幫忙的事不單只從未奏效、反而間接給予天朝藉口加強對紫荊城的操控。咁、即係點啫、吓?!!


17 則留言:

  1. 都唔知佢地想點,已經係舊電池㗎啦,仲唔慳啲使,容乜易好快玩完,係我就收心養性唔好咁頻撲!

    回覆刪除
    回覆
    1. N年前已知孖田是個超級政治發消友、然而良心大姑之所以玩政治似乎是心結未解囉....

      刪除
  2. 講古二老已被徹底啲鬼佬洗腦,無可救藥,而且還似喪屍般傳染病毒,向其他人洗腦。

    回覆刪除
    回覆
    1. 其實佢哋都幾寂寞架、利用價值又越來越低、所以咪做些動作出來叫大家都想起他們囉....

      刪除
  3. 唉,班友心態仍然停留幾十年前,以為揾花旗出頭就掂,不過表叔今時唔同往日,二手航母唔打得都嚇得。

    回覆刪除
    回覆
    1. 花旗只做對國家有利嘅事、無利可圖者542(唔使預)佢都得喇!

      刪除
  4. 係囉,咁即係點啫,吓? 阿姨都唔識諗呀。
    呢嗱,至緊要唔好再喪權辱國就得啦!

    回覆刪除
    回覆
    1. 有些事在下也不敢講、唯有用眼去睇就是。

      刪除
  5. 講古二老唔係唔知道, 只係當旅行, 唔怕老土, 最緊要係保留知名度.

    回覆刪除
  6. 二人枉作小人,低能!

    回覆刪除
    回覆
    1. 人老牙疏腳步密、恐怕他倆連小人也做不來呢!

      刪除
  7. 呢兩位大叔大嬸,只不過係不甘寂寞,如果唔搵啲野搞吓,驚從此會消聲匿跡!佢哋去花旗嘅原因,話驚花旗大叔唔明白香港情況,所以親自去,有碗話碗,有碟話碟! 呢啲咁嘅借口,出自一個資深大狀同前衙差統領之口,令人詫異! 如果老美要你年年講 ,月月講先至知道香港最新情況的話,點配做超級大國呀? 我喺度奉勸兩位老人家,講多錯多,靜靜地安享晚年為上上之策!

    回覆刪除
    回覆
    1. 對於演戲演上癮嘅人來說、有冇觀眾並唔重要、最緊要有得繼續玩吖嘛....

      刪除
  8. 去要求外國勢力介入個班人,都係想玩串個PARTY囉!~但咁樣對呀爺係無用囉!~~~

    回覆刪除