維園花展2012

明明是花不是花

裁剪堆砌確耍家

千支鏡頭焦點對

拍罷收工去飲茶

 

一年一度花卉展覽會在3月16日在維園正式開幕、今年阿域幾大都唔執輪、一早就準備好相機、然後拖着域嫂急急腳跑到展場趁熱鬧。一步入展場只見七彩繽紛的花兒盛開、加上各種以花草堆砌成的名勝古蹟以及動物形像、果然有目不暇接之勢。逛完一輪花展之後域嫂提議到附近一家懷舊茶餐廳嘆下午茶。佢話要回味一吓舊日嘆凍奶茶加波羅油嘅風味。不過那塊鮮油雖然細細件、但係個包嘅size就十足我塊面咁大、胃口細啲都吃不完。波羅油單價每個十四元、凍奶茶賣十八元一杯。算起來每位消費要三十二元、貴過快餐店下午茶餐喎！不過域嫂叫我咪牙痛咁聲、仲話最多由佢請客喎！早知有咁着數嘅“樹”就叫多兩份“打包”返歸當晚餐啦！