唔係秘史

若說無知卻又知

㒼塞只會做乞兒

個個財奴皆義氣

冷觀紅杏過它枝

當西廠老大十二哥公開指出、本城是唯一沒有家法嘅龍之土地、翌日一姐就馬上公開重申、立家法嘅有利條件尚未出現。嗱、盲嘅都睇得出、呢趟係兩廠格劍。黃營正在密鑼緊鼓部署各項反紅行動、藍營則一面剝花生、一面睇馬騮戲、而一姐卻成個係菜英子 2.0 咁款、佢行佢素睬你戇居、將那些本來一直保持沉默嘅街坊都氣得發起忟憎來。咁搞法、社會上怨氣必會越積越濃厚、爆起上嚟一定唔係人咁品。縱觀世界上所有大小家族、沒有任何一處係家法真空嘅。本城前當家忽裂顛也立了家法保護其家族利益、點解輪到紅家就毫無保障呢？說穿了、無非是城中嘅花朋友（乜乜霸權、表叔漂白公司、前潮漁業堂）聯手炮製出來嘅奇景嚟囉！

其實、總舵之所以在本城進退維谷、無非是對本城有所求。否則就唔會容忍城中班花朋友左右逢源、更唔會任由黃仔在城中亂搞廿四。直到目前為止、罪惡城仍然係紅家對外嘅一個無可代替和有價值嘅平台。有些事紅家不能做、而罪城可以代勞。本城嘅金融中心名列世界三甲、絕對唔係神州現有嘅金魚缸可以相比。罪惡城擁有大批真金白銀可作儲備、亦可以為紅家作出貢獻。一直以來、城中鬥得最激烈嘅並非黃藍之爭、而係金融之戰。例如近日外圍金融大鱷發難要打殘本城奇指市場和𢵌冧講元獲利時、本城巨額外匯儲備就發揮起防衛功能。這就能夠解釋得到、為何每一任嘅罪城大掌櫃都係扮演守財奴嘅角色。所以話啫、日日都有人話罪城就快被內地城市取代、其實通通都係屁話嚟。我話過你知啦、罪城最駕勢嘅地方、除咗擁有一個世界級嘅金融中心之外、就係能夠讓「歸本法」與「包通法」同在、所以能夠在大歸之後仍然與世界金融體系緊扣在一起。假如紅家唔係有求於本城這個超級平台嘅話、恐怕早就天下大定了！講到呢度、相信大家都猜得到一姐嘅底氣點解會咁勁架啦！係嘛？！