2018年4月7日星期六

硬拼硬



鐵掃把掃石地堂
以硬打硬太瘋狂
你喊大時我反大
且看誰家稱大王

根據得意豬銀行嘅工作報告顯示、花家公布 2015 年與紅家貿易逆差與事實有很大出入。在 2015 年花家嘅「蛇果手機」和「廣用汽車」在紅家銷售 2230 億花元、但這筆數並冇計人交易賬目之內。因此花家 2015 年在紅家嘅銷售實數是 3730 億花元、而紅家從花家銷售是 4030 億花元、實際逆差只有 300 億、而非花家公布嘅 6000 多億花元。從上述數字可以見到喪普當正紅家係水魚、話劏就劏。可惜紅家畢竟唔係其盟友、根本上無須睇喪普面色做人。因此當喪普喊牌時、閘王就同佢玩晒冷。拿、今次除咗架仔暫時幸免之外、大部份花家盟友“由其是高麗”都聽信喪普嘅鬼話、自動獻身被掠到一頸血。

紅家之所以咁硬淨、有三個原因。第一、在歷史上紅家從來未被外敵嚇怕過。第二、紅家知到自家市場比誰家都大、就算只做內銷生意都有排做。第三、紅家預咗龍族復興嘅路途絕不平坦、所以早就有所準備。喪普見閘王企硬便惱羞成怒、喊着要再追加一千億紅家貨品關稅、而紅家馬上回應奉陪到底。閘王知到喪普旨在摧毀「紅家製造 2025 」嘅計畫、亦知到若喪普奸計得逞、西方列強必會有樣學樣、到時龍的傳人唔止要當冤大頭、而且整個龍族都休想有好日子過。今次閘王大概係不惜代價都要將喪普打個頭崩額裂。目前己經有越來越多花家盟友極力勸阻喪普勒馬。我敢肯定那群人並非為紅家講好話、而係要保證佢哋嘅切身利不受損害而矣!因此別以為喪普喊加碼是拋浪頭、否則唔輸死都會因撞板而死。但有一點須要注意、那就是喪普承受貿易打擊帶來後果嘅能力是比不上閘王的。如果花家子民窮瘋了、喪普呢個大佬地位亦會岌岌可危、這就是他的死穴。在正常情況下、喪普這類奸商本質嘅人只會利用壓力加談判來索取利益、貿易戰並非首選。但今次紅家絕無半點退讓跡象、假如喪普來真的、閘王除咗以牙還牙之外、還可以加大拋售花債嘅力度、以及加快以人仔交易石油嘅步伐、去打擊花元嘅霸權地位。但咁做嘅風險就係容易爆發戰爭。注於係咪須要搏老命、就要睇雙方揸拂人嘅意願和智慧了!

14 則留言:

  1. 回覆
    1. 對呀、對付老番必定要以實力行先。

      刪除
  2. 喺花家面前,高麗都算係水魚中的王牌水魚,任割任食,仲自動獻身,毫不反抗。
    呢場仗,閘王係被迫不得不打,子民有所損失係無可奈何。而喪普係撩交打,子民受損就想換大佬。
    呢場仗硬打的話,從國家層面紅家損失多過花家,從個人層面喪普損失多過閘王。

    回覆刪除
    回覆
    1. 對的、呢場仗開打嘅話、龍傷七成、隻隻老鷹都要傷五成。

      刪除
  3. 好友🌞我的早晨⛅你的午安好🌈
    ╔════❉•ೋ⊹ஜഐ๑════╗
    💚█▄█º█▀█º█▀█º█▀█º█▄█გ💛
    💙█▀█º█▀█º█▀▀º█▀▀º─█_☘💜
    ╚════♪♫*¨*۩۞۩♩♬✾════╝・゚。
    💘開心萬事得🎈╠╣aΡpy週末💓

    回覆刪除
  4. 我諗如果畀番少少甜頭喪普,咁大家都會相安無事。

    回覆刪除
    回覆
    1. 花佬除咗要甜頭之外、就係不准紅家超越他。

      刪除
  5. 域兄,如果你打過麻雀,應有類似經驗,嬴輸條數一定唔夾,原來有人咁計數,原先嬴二百,到最後倒輸二百,佢就會話自己輸四百!

    回覆刪除
    回覆
    1. 飛獵兄、呢啲就係老番嘅真正價值觀嚟。

      刪除
  6. 喪普即是喪普,既挑釁北寒,又向紅家開戰,弄到風頭火勢,不得民心。怪不得一上台就招來國民反對。

    回覆刪除
    回覆
    1. 此人精甩辮、佢可能早已部署好在金融股票都撈上一大筆。

      刪除
  7. 鐵掃石地堂 硬打硬瘋狂
    喊大時反大 誰家稱大王

    回覆刪除