2018年4月5日星期四

白養懶兵


習慣上財來直受
上戰場左閃右就
論吞噗滿堂皆俊
說人情點滴不留

開講有話、食嘢唔做嘢、做嘢打爛嘢、真係一啲都冇錯。嗱、由掃把姐主持嘅一站兩份會議、因多人缺席導致流會。據掃把姐講、一共有六名亂制代表缺席、而另外三名已經到場嘅反派代表亦拒絕人會議室。在只欠一人而未能達至法定人數情況下、掃把姐惟有宣布流會。嗱、反民拒絕入場係正常嘅。因為大撞幫由當年率先支持一站兩份而演變成今日嘅極力反對、已經證明所做一切都係政治舉措。這點亂制應該很清楚的、但仍然有六人甩底。你話嘞、呢班唔係劉皇馬、唔通係赤菟嚟咩?

江湖上一直流傳、反民和亂制暗地裡打龍通、並唔係毫冇根據架!零三年亂制富貴黨臨陣倒弋使得廿三條就此躀低。二零一五年亂制在冇必要情況下等埋發叔、又累到政改方案遭遇滑鐵盧。今次一站兩份變成流會、亦係因亂制太多人甩底之故。嗱、事實嘅嘢、係無須研究過情、只係睇結果就得嘞。現在事實擺在眼前、唔大嘅鑊都唔爆、而且中廠一次又一次躀低與反派無直接關係、而係敗在亂制手上。每次事後、亂制例必將一切、推在默契不足、又或者係臨門一腳擺烏龍。但問題係、何解硬係見唔到反派有咁多烏龍嘅?何解每一次擺嘅烏龍、受益者都係反派?如果我話、呢啲全都是巧合、唔知你又信唔信?所謂、政客靠得住、豬乸會上樹吖嘛!正如白姐姐話齋、信班政棍一成雙見失明咯!


12 則留言:

  1. 習財來直受 戰場左閃右
    論吞噗滿堂 人情慣不留

    回覆刪除
  2. 好友⛅我的早晨🌈大家黃昏好嚟
    ╔═╦═╗── ╔══╗╔╗─────╔╗♬
    ║║║║╠╦╗ ║═╦╬╬╬═╦═╦╦╝║∵♪
    ║║║║║║║ ║╔╣╔╣║╩╣║║║╬║♫
    ╚╩═╩╬╗║ ╚╝╚╝╚╩═╩╩═╩═╝∴♩
    ────╚═╝💕星期四╠╣aΡpy💞
    ❉Ѽ•ೋგஜ*ഐ₡Ϡ๑۩۞۩✾

    回覆刪除
  3. 呢班就係見風使舵嘅籠裡雞
    「建」
    一樣係得個講字

    回覆刪除
  4. 有冇搞錯呀!咁啱爭一個人,你話係唔係有蠱惑呢?

    回覆刪除
  5. 講到甩轆事件,建制和反派都唔會少,只係建制嘅會煲大,反派嘅就則則膊唔再講。

    回覆刪除
    回覆
    1. 兩者之間分別係、反派甩轆政策之福、亂制甩轆政策就仆。

      刪除
  6. 亂制派係一班見利忘義,靠擦鞋揾大錢,不學無術的烏合之眾,開會咁悶,梗係你只意我,我只意你,所以唔甩轆就奇!

    回覆刪除
    回覆
    1. 總之垃圾會被那些既得利益者玩晒。

      刪除