2018年4月13日星期五

老杜講人話



賓家冧友八人多
三世妖人笑呵呵
老杜前來于道歉
事到如今嘆奈何

七年多之前、一群紫荊城街坊到飛甩賓旅遊、期間被一名持槍悍匪門多殺(賓國捕快)走上旅遊車、並將車廂內廿五人挾持作為人質與賓國巡捕房講數。經過當地捕快一輪奇劣無比嘅所謂救援之後、結果造成八死七傷慘劇。

事後賓國老總亞基奴三世唔止冇道歉、而且擺出一臉不屑的神情講“事情很快成過去、龍族人仍然會繼續跑到來作客”嘅喎!三世妖人那副冷笑模樣和滿口鬼話已經使得紫荊城街坊扯晒火、再加上賓國捕快、賓妹、賓仔等人事後幸災樂禍、在那部滿布子彈窿嘅肇事旅遊巴前面露笑容和擺出 V 字手勢拍照、以及門多殺家人還要在其棺木上蓋上賓國國旗。咁搞法、紫荊城街坊唔氣得七竅生煙才怪啦!無奈、當我哋嘅旅遊公司對賓國進行抵制時、大圈卻每日包辦過百鴨仔團攜同銀両湧過去彼邦消費、又再一次證實「有政治、冇道義」呢句話係啱嘅。七年後嘅今天賓國現任老總杜特二(老杜)跑到紫荊城來會見其子民期間、特別抽出時間向本城街坊致歉。老杜聲稱、多年來賓島一值冇人肯企出來為人質事件道歉、呢趟就由他以賓國老總身份代表賓國人民、正式向紫荊城街坊道歉、並保證永遠不會容許這類事件再次發生。正如死難者家屬話齋、遲來嘅道歉總比冇的好。


13 則留言:

  1. 一朝天子一朝臣,呢位賓國總統,另創一格,唔單只唔俾面花旗大佬,仲一改以往做法,跟紅家稱兄道弟,故向港人道歉,完全唔令人意外。

    回覆刪除
    回覆
    1. 對呀、是我們生活之中嘅世界、也是現實。

      刪除
  2. 如果我哋一姐都學下佢咁有担當,你話幾好呢!

    回覆刪除
    回覆
    1. 一姐嘅想法很難猜得透、但觀其言和行、睇得出佢唔會咁做的。

      刪除
  3. 終於有一個不畏強權,又有人性嘅老總嚟講返一些人話,老杜好嘢!
    冧井為保地位同大局安定,已經減去她的鋒芒,常常投鼠忌器,做公關扮白臉。
    但經她請來的葉柳,表現積極與霸氣,為她分擔黑臉的角色。

    回覆刪除
    回覆
    1. 老杜咁做是聰明的。因為話句對不起又無須花費真金白銀、反而可以將件事了結、以及博得別人好感吖嘛!

      刪除
    2. 老杜曾經講明:話唔想再因為受花家嘅經濟援助,而被花旗大佬指揮和擺佈。
      投靠紅家起碼唔會畀人干涉內政事務。

      刪除
    3. 政治無分對錯、只係利益上是否相方都能接受。再講、花大叔已紅呈現力不從心、老杜是醒目之人、當然知到企在那一邊比較安全。這叫符合國家利益吖嘛!

      刪除
    4. 老杜曾經大力打擊毒犯,和吸毒者,槍決了很多人,常被花家頭頭公開指責! 當他成功當上菲國總統,首先就要另尋靠山。

      刪除
  4. 好友✨眨吓眼時間過得好快🌟
    💕開心萬事得🎈╠╣aΡpy週末💞
       ╭───────╮✬
       │瞓覺豬呢💤│
       ╰───────╯
    ╭───────╮º°¨⊹
    │甜夢安睡💤│
    ╰───────╯
      O★
       o
     .∧_∧・。。゚☆
     ( ・ω・ )
     |⊃/(___₡*。。゚Ϡ
    /└-(____/∴♬♪♫♩∵
    ஜ❉۩۞۩✾ღೋგ*ഐ☘

    回覆刪除
  5. 賓冧八人多 三世笑呵呵
    老杜來道歉 如今嘆奈何

    回覆刪除