2018年4月11日星期三

喂、做事啦(二)


法律管不到
道德往糞槽
主權無着處
拗多亦肺勞

阿藍嘗試以法制妖失敗之後、便掹張道德牌出來撻講大教館、並以“教頭宣毒對學生構成壞榜樣”為理由、迫使館方炒妖蜓魷魚。嗱、我唔係潑冷水、只係大家都知到講大教館係製毒夢工場嚟、教館大生會出品嘅「鶴丸」就係一份播毒刊物。所謂臭罌出臭草、既然妖蜓滿身毒氣、而講大教館更加係毒氣熏天、兩毒簡直係臭味相投、今時今日要𠸎講大教館講道德、倒不如一頭撼埋牆、將自己撞死算了!

坦白講、對於妖蜓這類“𢭃住個八月十五來吊頸”嘅人嚟講、當然係比誰都清楚毒吶只能累街坊、而且係永遠敵不過紅家的。但係對於一個急性發鐵寒嘅妖蜓嚟講、播毒無疑係一條財路。除咗花大叔樂意為此而過水畀佢使之外、還有影閣嘅事頭婆、台島一姐、摱四毒車邊、以及打城中黃仔荷包亦可集腋成裘、連阿藍都暗中奉獻唔少架!嗱、咁好搵、唔播毒、唔通去播種咩?如果一個唔覺意抐埋個垃圾尊貴嚟做嘅話、每個月又多廿幾皮(薪水連津貼)入息。試問呢啲又易做、又易賺錢嘅工去邊處搵?最妙就係、罪惡城有大樹遮陰、連廿三兜都被人拎咗去攝灶罅、喺咁利好嘅形勢之下、真係唔改行去播毒嗰個都笨啦!
 

8 則留言:

  1. 你話做事就做嘅咩,咁咪好冇面?
    呢啲就係好多人普遍嘅心態,仲講話官,做官更加係咁啦!

    回覆刪除
  2. 大教館上一任大法師院長塵民敏在位時已經送左個免死金牌畀妖蜓,所以隻妖蜓可以有持無恐,為所欲為,而塵民敏就背後發功,亦會力保妖蜓唔會出事,繼續做打手。

    回覆刪除
    回覆
    1. 阿爺講就講咗好多、但仍然係大隻講。唔變本加厲才怪。

      刪除
  3. 做大教頭都揾唔少啦!播毒,有報應!

    回覆刪除
    回覆
    1. 有種人認為、只有傻人才會信報應的。

      刪除
  4. 法管不到 道往糞槽
    主權無着 拗多肺勞

    回覆刪除