2018年4月10日星期二

陰謀論之三城大橋


聽來甚吊詭
強身變弱體
大數打斧頭
惟有暗啞抵

眾所周知、三城大橋唔止係一項招牌級世紀大工程、而且係一水一陸嘅示範項目嚟。此橋成功運作嘅話、唔止三城威水、而且將紅家個金漆招牌省到立立令。相反、就乜都喎晒架喇!早前江湖上流傳、有人在大橋工程上打斧頭、近日又有報導指橋島逳身逳勢。雖然有關當局解釋所謂逳身逳勢只屬錯覺、但打斧頭單畸屎就唔係錯覺嚟。嗱、唔知各位街坊對此有何觀感、但我就真係驚驚哋嘞。家陣講緊嘅問題係偷工減料、但當局聲稱“已將大橋檢查、證實金橋湯也”仲話無妨無妨喎!

榕樹頭陰謀論講壇流傳、如果有人要給紅家一記重創、三城大橋無疑係最佳選擇。倘若大橋有乜依逳嘅話、保證係一單超級負面新聞。當下罪惡城群魔亂舞、甚至日頭白白都通街鬧鬼、真係乜鬼事都可以發生。如果有人要䟕禍一水一陸嘅話、除咗利用與速龍血脈相連嘅三城大橋來搞鬼之外、就沒有更好的了!假如大橋患上骨質疏鬆症、以致腳步浮浮連企都企唔穩嘅話、世界各地跟紅家在一水一陸計畫合作嘅家族極有可能叫停與速龍有關嘅工程、而那些正考慮是否跟紅家合作嘅家族亦會冇鞋拖屐走。到時一水一陸計畫猶如急性中風一樣、四肢癱瘓彈動不得矣!誰敢說這不是喪普、架仔、以及城中那群花鬼、都非常樂意見到嘅結果嚟咩?如果我係揸拂人嘅話、就會將大橋逐忽驗查清楚是否靠譜、在必要時寧願推倒重來、總好過博好彩咁牙烟吖嘛!

12 則留言:

  1. ⛅好友🌞我的早晨☕你的午安好嚟🌈
    ╔═╗週二•藍天白雲💚大家•安好•順意💛
    ║╩╠═╦═╦═╦╦╗🦋・゚。💞
    ║╦║╬║╬║╬║║║.☼╭══╮
    ╚╩╩╩╣╔╣╔╬╗║╭╯ΘΘ ║・゚💙
    ────╚╝╚╝╚═╝╰⊙═⊙╯*¨*•💕
    🌼🌹🌻🌴💒🌵🏡🌲🏠🌳🌷🌸🌺

    回覆刪除
  2. 今日NOW晨早新聞節目,有專題探討呢個問題,前路政署署長都有出席,佢話工程一路做,港方都有工程師監督,出問題機會唔大,但署長反應同開記招的解釋則有改善空間。

    回覆刪除
    回覆
    1. 有小道消息透露、出事的位置並非在罪城範圍內、講官只能顧左右而言它喎!

      刪除
  3. 以罪惡城當官唔孭鑊嘅傳統習慣,今次個高官話去睇過驗過冇問題,我覺得佢唔會搵自己較飛,有事當冇事。

    回覆刪除
    回覆
    1. 對、本城官僚個個都係打麻雀高手、通當係唔會講蝕章話。我睇呢單嘢一定另有「景轟」的。

      刪除
  4. 做官唔會認衰,尤其是聾的官員,浄係睇下香港機場之空管問題,咁多年都係話知你!

    回覆刪除
    回覆
    1. 呢啲咪就係大歸後公家部門大倒退囉!責在誰身、大家都心照啦!係嘛?!

      刪除
  5. 聽來吊詭 強變弱體
    打大斧頭 惟暗啞抵

    回覆刪除