2018年2月9日星期五

最緊要曉賴



甩身憑撒賴
撒賴建和諧
和諧好議價
議價有開埋

前任戒律長“賴”手頭上證據太多來不及整理、故此吞金亂講件案拖足三年都埋唔到尾。之但係、新任戒律長一上任、連張凳都未坐暖就“賴”證據不足、便將單案摺埋咗。高級判堂“賴”傷殼三指犯案當時新戒律指引尚未頒發、所以高級判堂引用此新例將三指收監係錯嘅、故此三指又重獲自由。嗱、真係賴得好、賴得妙、賴得呱呱叫。按照咁嘅發展趨勢看來、黃亂眾搞手直程係定過抬油都得嘞。即使罪城、大概都係被判守行為、極其量被判去做義工。甚至又來一次證據不足當堂放人都有可能。誰敢話呢條路鋪得唔夠靚?簡直係冇得頂拉!係嘛?!

呢嗱、今次打柴六蠢冇死喇!如果我係佢哋嘅話、幾大都要翻案。因為人家搞出(封街鎖路、與捕快暴力對恃七十九日)咁大壇嘢出嚟都冇事、而六蠢玩誓並唔似得黃亂對街坊構成利益上損失、居然連飯碗都被砸碎、那裡還有天理可言?現在大概可以高舉個「賴」字出來喊冤、要求翻案和索取贈償。喂喂、阿哥、阿姐、份筍工底薪連津貼廿幾萬一個月、食得唔好嘥呀!做嘢啦!

眾所周知、阿爺咁辛苦搞個「一個兩砌」嘅制導出嚟、無非係想罪惡城率先實行講人自講、你有你講、佢有佢講、睇吓邊個講得叻、邊個講得爽、邊個講得最口糠之嘛!今日講得最口糠嘅唔係反民、唔係亂制、唔係自缺、更加唔係講獨、而係戒律長和六判爺。事實擺在眼前、有人將自己角色逆轉並締造出一個又一個「犯法等如不犯法、不罰等如罰」嘅奇蹟出來。嗱、期間有些連常人都感到難於啟齒嘅話都可以由佢哋把口理直氣壯咁噏出來。之但係、仍然未算得上係經典。真正經典就係、阿頭話「得咗喇、下次班友要踎監喇」吖嘛!呢次搞得咁核凸、還講啥下次?咁你話嘞、呢班大帝係咪茅王之王、茅盡天下無敵手呢?難怪連生佢哋出嚟嘅阿媽都唔認得佢哋咯!


10 則留言:

  1. 新任戒律長阿媽都唔認得佢

    回覆刪除
  2. 賴証據不足,唔緊要,咪去搵囉!想搵就一定搵到,除非佢哋一個個都清白…
    再講,如果真係要查就一定有辦法,到時分分鐘班友仔互劈互爆都唔出奇!

    回覆刪除
  3. 喺戒律面前,並無平等呢樣野架。
    人人都要求罪惡城由戒律治,戒律係由六判爺話事,即係由六判爺治,簡稱爺治。
    佢地唔只兩把口,仲可以捩橫折曲來講來判架。
    唔怪得以前人話唔好做戒律呢行,否則會生仔冇屎忽。

    回覆刪除
    回覆
    1. 冇辦法、人總會有個人立場、大細超難免。

      刪除
  4. 放生!你仲話唔自由?唔民主?

    回覆刪除
    回覆
    1. 係呀、真係民主都唔民主架!所以六判爺咪判常無“控告監房要犯人剪短頭髮”得值囉!

      刪除
  5. 所謂穩定壓倒一切嘛!又可能係個局,故意壯大班友仔個胆,等佢哋再做激啲,然後一網打盡。

    回覆刪除