冇法例就立啦

奇哉又怪也

隻隻劉皇馬

大樹無完枝

連鬼都怕怕

日前戒律長放生黑金黨引起街坊嘩然、當中有人直指那是一次政治交易。嗱、放生是否與政治交易有關就不得而知、但檢控長卻帶出“本城沒有法例規定不准政黨收受捐款”這個驚人訊息來。睇勻全世界都找不出一個國家係容許國內政黨收受外國捐款。因為這類捐款被視為黑金、收受者亦被視為危害國家安全。就拿自認是全球最民主和最自由嘅花國來講、在禁止政黨收受外國獻金方面、比起任何一個國家都來得更加嚴厲。為着確保國家安全、連總統喪普嘅寶貝女二萬卡交上龍裔富人朋友都收到政治警示。唯獨是罪惡城是可以不必顧及國家安全、而任由政黨收受外國送來嘅政治獻金。今次若非由檢控長把口講出嚟、實在難以想象罪惡城原來係沒有法例禁止收取黑金的。

當年首任縣太爺老古董提出訂立第廿三條安全法（下稱廿三兜）時遭受到反對派瘋狂阻撓、到咗臨門一腳又遭亂制倒戈、結果立法失敗都唔止、老古董還要被腳痛下台、並換上一個大戶寵兒啱曾來當縣太爺和開創七年之患。現在諗翻轉頭、方發覺當年坊間流傳老古董係被「八問五」所累而執包袱只係假象、真正原因係衰在訂立廿三兜。情況已經很明顯、係有人為咗不可告人目的而阻擋訂立廿三兜。因此坊間流傳漢奸通行無阻、愛國寸步難移並非吹水之作、而某些人被冠以漢奸之名亦不為過。嗱、反對立廿三兜者、當然係抱着人不為己天誅地滅嘅心態而為。之但係、連身受朝廷奉祿嘅縣太爺都都話尚不是立法時機、咁就太過令人費解喇！今次放生事件令到戒律長講出實話來、足以證明那些所謂須要配合社會氣氛、須要等候適合時機才可立法嘅言論、通通都係屁話嚟。難怪榕樹頭講古佬話、目下社會只有河蟹而冇和諧、而前任戒律長之所以只將常無提堂而被判無罪、是刻意泄露法律有漏洞、為日後立法打定基礎。現在黑金合法化浮出水面、等同證明番邦利用罪惡城來做反紅基地嘅大門早就打開咗。如果再唔立法填補此漏洞、小亂大亂勢必無日無之、罪惡城想話唔揸兜都幾難。講古佬估計、戒律長今次似乎係以放生來引起社會關注、實行來一次小放水、大幫忙。嘅然係咁、仲等乜嘢呀？嗱嗱聲提出立法補番隻鑊啦！