2018年2月5日星期一

落錯雨訛評獎




落錯雨獎乃訿評
專門送給大懵成
無知小子甘為賊
話你唔聽詐大型

江湖盛傳、花大叔提名雙學三犯(兜捹眶、籮半蔥、戇痴瘋)競逐落錯雨訿評獎。嗱、三犯乳臭未乾就被花大叔升上神台、確係痕死隔籬。難怪社會上有咁多人唔抵得佢哋、並質疑三犯有何能耐去競逐落錯雨訛評獎?嗱、各位街坊、你哋千祈唔好去學人呷醋、更加唔好人云亦云至好呀!眾所周知、之前跟紅家對着幹嘅落錯雨訛評獎得主蟻驚生和流料波兩人、都係呢頭獲獎嗰頭近。因此有人稱此獎為死人獎。所以嘛 … … 你哋就唔好痕咁多喇!

講開又講、相信大家都知到、花大叔仇紅仇到喪心病狂。試問佢唔搞屎棍、誰搞屎棍?落錯雨訛評獎話明係訛評嚟吖嘛、那就當然無須理由、更加無須實力、只要花大叔喜歡就可以訛評兼頒獎架喇!其實競逐不競逐都只不過是一場戲。之不過、並唔係人人都有此榮耀上台攞將嘅。例如「八狗六死」嘅英雄人物李旺場自縊至死仍然係「企硬」跟紅家對着幹、連佢嘅對頭人都要為其毅剛不屈嘅精神而肅然起敬、但花大叔卻連睇都懶得睇佢一眼。點解?咪就係死人冇利用價值、佢死佢嘅事咁解囉!之但係、雙學三犯就唔同。佢哋唔止年輕、而且仲係黃毒上腦到了無可救藥嘅地步。如果佢哋一日唔死嘅話、一日都會有利用價值。何況花家最擅長就係做「免費」人情嘅呢!例如花大叔教唆男亞仔非法霸占屬於龍族嘅男海島嶼、就係要拿將龍族利益為去換取那些細小族群當其馬前卒、以及迫使那些必須要依靠摱花家車邊發達嘅大財閥暗中過水畀其同胞去搗亂自己家鄉、而成就花大叔雄霸全球嘅野心。如果唔信嘅話、大可以睇睇自從二戰之後有那一場戰爭或家族內亂係冇花大叔身影、就知到在下之言屬真屬偽矣!花大叔之所以提名雙學三犯去競逐落錯雨訛評獎、唔止係要助長佢哋嘅㒼塞、更多嘅就要挑起當代廢青嘅幻想與虛榮而加入反紅行列。
 

13 則留言:

  1. 你養隻狗,想佢對你搖頭擺尾,平日都要俾足狗糧佢喇。人都係一樣,你唔俾啲幻想揼班靚仔,佢哋點會同你賣命?

    回覆刪除
  2. 點解花家可以搞風搞雨,煽風蠱惑?但就唔見紅家出手,照版煮碗咪得咯!

    回覆刪除
  3. 其實紅家也可以以其人之道來對付花家呢!

    回覆刪除
    回覆
    1. 可惜紅家嘅捧場客多數都係心在捧、而口不敢說。但花家捧場客雖然口捧心不捧、但敢於企晒出嚟支持。所以紅家惟有慳番啖氣喇!

      刪除
  4. 當日睇到呢段新聞,感覺花家賤到貼地。

    回覆刪除
    回覆
    1. 現實係太多人以花金交易、所以唔畀得花家衰。故此明知花家賤格、亦企局住要硬支持吖嘛!

      刪除
  5. 提名雙學三青加入反紅行列

    回覆刪除
  6. 落錯雨訛評獎一向係花大叔嘅政治工具,用來分化對手,挑撥離間。
    唔知點解有一次上左腦,噢黑馬自己收左,初時仲以為執到寶。
    坊間見花家玩得咁開心,都想玩埋一份,推舉使落燈去落錯雨訛評獎。

    回覆刪除
    回覆
    1. 和平獎落在一個戰爭販子國家元首手上、還能算是和平獎嗎?正如你講、這個獎係花家嘅政治工具嚟。

      刪除
  7. ✬¨*星期二☆。。゚★╠╣aΡpy
    ╔══╗────╔╗╔═╦╦╗─╔╗╔╗✨
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝🌟・゚⊹
    好友♦・゚🌜甜夢安睡囉🌛💤

    回覆刪除