誰在對着幹？

斷正公然放

反噬大炮狼

黃思成主導

老藍打退堂

呢嗱、罪惡城真係變得越來越核凸、而且核凸到你唔信。新任護法僭建姐剛剛放生一群反盟黑金大佬之際、黃思垃圾尊貴就立即反過來咬實前揸拂人阿狼在上任時隱瞞（you 知 L）嗰單利益衝突畸屎死口唔放、並由白鴨幫準坐館三白眼跳出來喝令僭建姐揸正嚟做。嗱、三白眼之所以能夠咁快就成為白鴨幫當紅炸子雞以及獲得皮佬𡅏重用、並唔係單單靠看更李推薦咁簡單、而係有厚黑神功護體。反盟惡晒早就唔係新聞。之但係、如果僭建姐依從三白眼指示、剛剛放生黑金大佬之後、轉過頭就去追殺阿狼嘅話、除非係事前得到阿爺肯首、否則就犯上大細超之嫌、除咗被阿狼跑去評雞會告到佢腳痛之外、仲會令阿爺覺得被人剃眼眉、到時就弊弊都冇咁弊咯！

自從罪惡城大歸以來、已經有多名藍族頭領被黃族舉報收受或騙取金錢利益而被打入大牢。相反、黃族頭領即使斷正收取黑金都冇罪。更厲害就條、其餘見光死嘅黑金畸屎都被僭建姐親手摺埋。由此可見、黃族才是揸拂堂主流力量、而藍族根本上是徒具虛名而矣！令人費解嘅就係、揸拂堂擺明係嚴懲架忌冷、寬待對人頭架啦！點解阿爺居然粒聲都冇架？如果話、以上情節通通都係獲得阿爺肯首嘅話、唔知你哋信唔信？不過、我就連一啲都唔信。若然係真嘅話、以後連阿水都唔肯來替紅家賣命架喇！係咁、事情又應該作如何解釋呢？依我睇、可能性大概有四個。第一個、揸拂堂根本上是姓花而非姓紅的。第二個、紅家內部反對勢力尚未被肅清、以致阿爺鞭長莫及。第三個、就係阿狼如去年傳聞所指、係紅家內部反對勢力嘅人、並在整肅名單榜上有名。第四個、罪城揸拂堂高層裡面有人被番邦捉到把柄、以致不得不聽令於他們。如果你不認同我嘅睇法、那麼你對上述一切又會作如何解讀呢、吓？！