和諧進取兩皆空
武林猛人把我哄
欠債多多冇力還
好在阿爺合西中
昨晚在榕樹頭聽三叔公講、打得姐日前擘大雙眼發開口夢。打得姐透過空氣電波放話、佢開拓嘅大和解進展非常順利。打得姐自稱係順得人、反派一個飛電、佢就立即出現。反派叫佢到垃圾會、佢就唔敢去行企會。反派叫佢講東、佢就唔敢講西。一切依足吩咐、一點也不會多、一點也不會少、務求“就”到反派滿意為止。呢嗱、雖然我唔係親耳聽到打得姐講這番話、但由三叔公轉述出嚟、係應該有份量嘅。但問題係、點解身為中廠揸拂人嘅打得姐、居然會將自己形容到成個任人擺布嘅扯線公仔咁款、究竟其目的何在?