2018年1月24日星期三

同你死過



此門不是為君開
你卻無闖進來
天天喊打煩住你
明明縱火賴天災

江湖上流傳、新任戒律院院長淨如画係罪城揸拂人諗井找回來的、原來實情係有點出入嘅。圈中流傳、淨如画早就係紅家會總舵嘅理想戒律院院長人選。由於總舵終於認定前院長死火猿係養唔熟之流、為着確保戒律院運作正常便急「𠹭」候任戒律長趕在黃亂眾頭領被扎棍之前、先到戒律院站穩陣腳以應付難以預料嘅變化。就係咁、在黃黨眼中嘅淨如画是專程來對付佢哋嘅米飯班主。試問洗君之錢嘅黃黨人馬又焉能不盡力去解君之憂呢?所以話啫、黃黨同淨如画死過係正路嚟嘅。

藍黨以為踼爆多名黃黨頭目亦跟戒律長淨如画一樣涉及擅改圖則畸屎、就可以塞住佢哋把口。嗱、冇錯呀、嗰啲身有屎嘅黃黨頭目收咗聲喇、但仍然有其他頭目來接口繼續鬧爆、甚至出動埋大撞公會嘅金牙會員出來、輪流對淨如画作疲勞轟炸。試問阿水吹得佢哋脹咩?誰叫總舵經歷過咁多次同類衝擊、明知到凡係罪城揸拂堂頭領涉及擅改圖則者一定成為黃黨箭靶、仍然要找一個有這樣缺點嘅人來當戒律長咩?老實講、在下𢲷爛個頭都然諗唔通、點解會係咁嘅囉!嗱、唔好同我講除咗這個人選之外、就搵唔到更適合人選去喐黃堂頭領喎!其實較早前江湖上流傳、大撞公會某位金牙會員似乎對戒律院院長個位有興趣嘅。點解唔用佢呢?難道有人懷疑佢死火猿2.0嚟?依我睇、以紅家會嘅處事作風而言、一定唔會准許淨如画劈炮、並且會撐佢去處理好黃亂單畸屎。換言之、黃黨班友搞來搞去都係賺得嘥聲壞氣。正如鄧細樽伯伯話齋、無論黑狗、白狗、會看門口的就是好狗吖嘛!

8 則留言:

  1. 不過佢咁多痛腳俾黃黨爪住,就算坐上栗政屍個位,日後都寸步難行。

    回覆刪除
    回覆
    1. 這只能反映出越富有嘅人越多痛腳。問題係值唔值得被人捉而矣!

      刪除
  2. 我諗做得又有經驗的人,相信要搵佢哋嘅把抦唔難。
    所以紅家若想反制,首先也要起清晒班友仔個底嘅。
    哈哈,鬥揭,咁就等剝花生好喇!

    回覆刪除
    回覆
    1. 我敢打倒、紅家班凸工唔係食齋嘅、痛腳早已在手。問題係到甚麼時候將之好好運用而矣!咪以為淨係衙門有無間道。其實黃黨內部亦唔少架!

      刪除
  3. 我估以前嘅猿戒律院長都一樣有把柄喺人手上,因為佢肯妥協,就冇爆佢大獲,可以全身而退,不過就有好多野唔做得囉。

    回覆刪除
    回覆
    1. 豈止戒律長?聽聞話更高級嘅人都有咁嘅遭遇。

      刪除
  4. 好友☁¨♦晚安🌜甜夢安睡🌛💤
    ✨開心萬事得╠╣aΡpy週四🌟
    ╭~╮
    ╰╭╯
     O
       ☆
     .∧_∧o。⊹
     ( ・ω・ )
     |⊃/(___∵★°∴
    /└-(____/₡Ϡ¨*✬
    ❉•ೋஜ¤ഐ๑*۩۞۩✾

    回覆刪除