2017年12月28日星期四

樂此不疲



舊橋再翻新
神鬼亦照𧥺
大話靠人緣
有着兩份分

有報導指出被驅出境嘅假難民居然可以玩上訴。咁搞法、分明係用罪城人嘅銀兩來掟穿罪城人嘅頭。究竟邊啲契弟咁抵死、做埋啲累街坊嘅事呢?嗱、唔使問阿貴都估得到係狀棍嚟啦!有唔少狀棍認咗花大叔做契哥、以致摱朝廷車邊嘅投家有生意都唔敢去益佢哋。於是乎、班狀棍又想去打假難民主意。須知到狀棍幫假難民出頭、大賬房每年都要花上十幾億両銀來應酬佢哋。聽聞話、其中有間狀館獨佔一半難民生意額。如今又要玩埋上訴、納稅人肯定又要再當冤大頭。但白講、就算疊水如花大叔、恐怕都拿不出咁多錢來應酬班契細佬。如果話、十幾億両銀裡面抽一成出來作為鬥爭費、條數都幾禁計。不過咁、若無公家大開法援之門、亦唔會吸引到咁多人踴躍到來替難民出頭搞上訴啦!係嘛?!

爛民禍城越來越嚴重。嗰班爛人初時只係架忌冷互片、但搞搞吓就連本城街坊都照打。更加離譜就係、除咗開片、仇殺、犯毒之外、連姦淫擄掠都有佢哋份、使得街坊提心吊膽。之但係、垃圾尊貴居然就手旁觀、眼光光睇住班爛民禍城而三緘其口。睇嚟、有人錯咗當初、索性一錯到底喎!環境之所以搞到咁濕滯、就係管者麻木、作者不仁。講得直接啲、就係乜乜餘孽累起全城。咪以為山高皇帝遠就可以亂嚟、朝廷在黃亂期間透過蠻求社發聲、已經掌握到罪城縣衛內有大總管和部長級人士私通黃亂集團嘅證據。當時冇乜人信、但在日久見人心之下、人們終於睇出端倪來。其實朝廷係為咗保存面子、通常不提家醜的。例如絕口不提某位過氣縣太爺成階下囚嘅事、但嗰群日日指着過氣縣太爺個鼻哥喊打喊殺嘅反派忽然一反常態、輪流實行高調探監。呢啲咪就係有心搲爛塊面囉!由此可見、反宗絕對唔淨止係反派、縣府衙門內和亂制派裡面亦係大有人在。如果你話、當日縣府提出杜絕假難民嘅議案胎死腹中係反派獨力完成嘅話、等同話當年廿三兜臨門一腳躀低係唔關亂制派嘅事一樣咁荒謬。

8 則留言:

  1. 有句話叫天下愈亂愈好,原來是對的…
    呢個邏輯真係冇錯,怪不得有咁多人可以渾水摸啦!

    回覆刪除
  2. 再是這樣各自為個人利益打算,罪惡城日益罪惡而走下坡了。

    回覆刪除
    回覆
    1. 冇辦法、愛國在本城係死罪嚟、係冇運行嘅。只有仇宗、恨祖、逢宗必反才有市場。

      刪除
  3. 以前有安南難民又食又住又打官司,全部罪惡城埋單。
    而家又到假難民打主意,有冇人好似喪普咁夠薑,改法援只批本地人呀!
    朝廷知道奸細係邊個,都做唔到野,咁我地……唉!

    回覆刪除
    回覆
    1. 當年係影國人打骰、誰也不敢混水摸魚。自從由龍傳人打骰之後形勢就例轉過來。若然講到錯、那就錯在大莊家。

      刪除
  4. 有時覺得特朗普都幾強勢,有乜唔妥就簽署命令,話知國際批評,好似抽獎入藉就即時停止。

    回覆刪除
    回覆
    1. 喪普所做嘅都係為國家利益為前題、根本上唔怕人鬧。然而本城連應該效忠邊個都不能達成共識、那當然冇得比矣!

      刪除