2017年12月22日星期五

莫明其妙


怎想也不明
難於謂太平
欲知真景象
惟有望天清

縣太爺口口聲聲話現在不是時候將罪城安全法(城安法)列入議程、必須等到係人都明白立此法係為國家安全、同時亦為大家好之後才係時候喎!之不過、佢又話會盡快着手去搞立唱歌法喎!因為唱歌法可以使年輕人更加愛國。嗱、在下對於縣太爺講嘅話完全聽唔明、唔知你又明唔?首先、除咗反派之外、並唔係人人都抗拒城安法嘅、縣太爺嘅講話似乎有一枝竹篙打盡一船人之嫌。其次就係、唔見得反派認為唱歌法不是洪水猛獸。更令人𢲷就係、縣太爺將勒住普選知縣來比喻勒住設立城安法。因為普選知縣越被拖延對小圈子特權分子更有利、而城安法越被拖延對國家安全越無保障、但對收受外國獻金而辦事嘅政黨就非常有利了!

嗱、前朝用咗百年時間才能裁培出一群絕對忠心嘅精英、並遺留下來跟天朝對着幹、若按照縣太爺嘅邏輯算來、等同宣布在佢任期內都不會設立城安法。諷刺嘅就係、唱歌法、國文教育、普選知縣均是對前朝遺下來嘅精英不利的。之但係、三者之中只有唱歌法對前朝遺精嘅殺傷力最弱。現在縣太爺只係願意着手去搞唱歌法。咁搞法、就算諸葛孔明翻生都不明其意啦!係咪呀?難怪坊間陰謀論踢爆、沒有城安法、就沒有造反罪、即使再來一次戰中、甚至謀朝篡位都唔使孭叛國罪吖嘛!事實已經很清楚告許我們、城安法就是一把狗頭閘。如果包公沒有狗頭閘在手、即係冇先斬後奏之權、其打擊罪案能力定必大大減弱。咁亦即係話、前朝遺精就可以繼續安心收受外國獻金、亦可以繼續安心跟朝廷搞對抗。喺咁嘅形勢之下、究竟對誰最有利、對誰最不利?相信大眾都心中有數架喇!所謂路遙知馬力、日久見人心吖嘛!大家就放長雙眼慢慢睇啦!

13 則留言:

  1. 就算立了法又點,唔執法就乜都冇用!

    回覆刪除
  2. 呢樣野我都係𢲷晒頭,諗極都唔明點解佢咁堅持,唔敢郁城安法。

    回覆刪除
    回覆
    1. 照情形睇、上大人是想嗱嗱聲立好條法例、以確保本城安定。所以很多人都唔明點解揸拂人硬係唔多願郁囉!

      刪除
  3. 如果不出這一招城安法,那只有使賣國者有持無恐了。

    回覆刪除
    回覆
    1. 打錯字,應是「有恃無恐」。

      刪除
    2. 冇辦法、上有上急、下有下緩、在下實在唔知點解。

      刪除
  4. 查實好簡單,取易不取難,邊個當縣太爺都唔想喺自己在任期間爆大鑊,難啃嘅梗係留返俾下一手喇!

    回覆刪除