2017年12月20日星期三

阿頭吹雞


唔怕計錯數
最緊要識撈
暫時將馬勒
日後再操刀

今次議事堂成功修改遊戲規則、證明街坊對黃鬥士嘆慢版嘅態度已經忍無可忍。黃營一心想利用在議事堂外瞓街來吸引擁躉到場支持、圖以群眾厭力迫使藍營讓路、若然不果就趁勢轉化為二戰。殊不知、到場嘅人居然係記者多過支持者、結果又當眾衰多一回。路邊社報導、幕後操盤人已經意識到黃營此仗必敗無疑、再拖落去勢必連老本都蝕埋。於是急急棄長痛而取短痛、索性輸一仗而保大局。當黃鬥士再度進場時便故技重施、齊齊犯規博被逐離場、以此當作為打敗仗嘅遮醜布。嗱、講到呢度、相信大家都可能感覺得到黃鬥士是身不由己的、如何布局是由幕後操盤人來決定。吓、究竟是誰跟誰在幕後較量?依我睇、還是留一些空間讓閣下想想吧!

值得注意嘅就係、戰敗後嘅黃鬥士聲稱、將會百倍奉還以雪今次之恥。嗱、黃鬥士今次之所以失敗並非敗在藍營手下、而係敗在失去擁躉支持。按此邏輯算來、黃鬥士口中嘅百倍奉還、受者豈不是街坊大眾嗎?雖然黃鬥士曾經把失敗責任歸咎於街坊拒絕支持、但點都唔敢向大眾宣戰嘅。係嘛?!嗱、呢群大帝根本上輸到連自己講緊乜嘢都唔係咁清楚。難怪有人話、這群經唔起考驗嘅黃鬥士搞風搞雨有餘力、打出青天冇本無能啦!之但係、這並不表示罪惡城從此就是藍營惡晒。如果大家有留意到、每一次當花大叔加大力度打壓紅家時、城中反派亦同時加強對抗嘅力度嘅話、都可能會聯想到今後街頭抗爭勢必更加頻密和劇烈。因為花大叔剛剛以白紙黑字闡明紅家是花家世上最大對手。紅家方面亦指責花家一方面要賺紅家銀兩、另一方面又將紅家放有對立面實屬矛盾之舉。在下敢寫包單、黃營快將會有新戲上演。大家就等着瞧吧!

12 則留言:

  1. 我諗不論藍營或紅家,若以其人之道還治其人之身來對付反對他們的人,咁唔知得唔得?
    不過個班藍營的人又點夠胆,因為佢哋仲錫身呢!

    回覆刪除
    回覆
    1. 如果紅家要做冇話唔得嘅、只係有必要出手而矣!注於藍營本質上跟黃營冇分別、因為他們都是為銀兩而來的。

      刪除
  2. 久遺了的綿羊仔電單車,最近都在台東花蓮的街道上見過,像回到六十年代!

    回覆刪除
  3. 百倍奉還?憑乜?呢啲咪叫死雞撐飯蓋囉!

    回覆刪除
  4. 睇下豬八萬連趕記者和市民出垃圾議事堂呢招都出埋,就知佢地仲有幾多子彈可以奉還啦!

    回覆刪除
  5. ♦¨*☾好友🌜晚安☁・。。゚๑🌛
       ╭───────╮✬
       │瞓覺豬呢💤│
       ╰───────╯✨
    ╭───────╮☆
    │甜夢安睡💤│
    ╰───────╯★
      O🌟
       o❉♬
     .∧_∧・。。゚♫♩
     ( ・ω・ )*♪
     |⊃/(___◇۩۞۩ഐ
    /└-(____/✾•ೋგஜ⊹
    眨吓眼時間過得好快╠╣aΡpy週四👀
    ❥*。。♦冬至愉快&・。๑聖誕節快樂º❤გ

    回覆刪除
  6. 小綿羊電單車好可愛呢!心心多謝Louis Rick介紹咁經典的歌............................☕️☺️

    回覆刪除