亂得有道理

何以亂糟糟

因欠殺人刀

雖則權勢大

實際冇心撈

這邊廂、有三名迫爆區暴動（迫暴）暴徒棄保潛逃。那邊廂、六判爺又再次批准另一名暴徒離境嘅申請。街坊不禁質疑、六判爺憑啥認定暴徒不會有去冇回？假如所有暴徒都走清光、迫暴案豈不是不審自結？難怪有人話、六判爺跟其同門「即將劈炮嘅戒律院大總管」一樣、博唔使做啦！喂、究竟罪惡城納稅人嘅血汗錢所供養嘅係啲乜嘢人嚟架？點解硬係任憑那些禍城殃眾嘅黃禍頭領逍遙法外、仲任由迫暴暴徒遠走它方架？仲有、何解我哋嘅縣太爺居然會堅離地到、連有案件拉布、以及再三走犯都唔做番啲嘢出嚟補鑊？究竟係唔知點做、撥或係唔想去做呢、吓？！

聽講話、縣太爺就快要上京面聖、唔知聖上會唔會像過往一樣、只贊不彈呢？講真、呢齣咁老土嘅戲早已成坊間笑柄。所以嘛、倒不如實牙實齒、啱嘅就贊、唔啱嘅就插。相信只有咁至可以令到下面班友認認真真咁去做事。自從大歸以來、縣府對付違法嘅藍營人馬絕不容情、先後有多隻老虎被打入大牢。之但係、輪到黃營違法、所打嘅只不過是一些蚊蟲曱甴、注於老虎就連碰都不敢去碰。我唔係吹水架、事實上大家都有眼見到吖嘛！難怪有街坊質疑、究竟係山高皇帝遠而使但聖上鞭長莫及、抑或係朝廷軟弱而導致縣府鬆散啦！依在下睇、既非山高皇帝遠、亦唔係朝廷軟弱、而係前朝保留下來嘅勢力委實太大、以及城中各利益集團與老番在利益上千絲萬柳嘅關係、使得朝廷有所顧忌而矣！坦白講、即使朝廷能夠令到縣府忠心不異、亦唔見得形勢會好到那裡去。除非朝廷狠起心腸、將罪惡城先置之死地而後重生啦！否則瘀毒永達根除不掉、就算華陀翻生亦醫不來的。之不過、在下睇唔出朝廷願意咁做囉！因為反派亦看破這一點、才會有持無恐嘅。咁搞法、罪惡城街坊又點會有安靜日子過？