2017年12月1日星期五

不是勾結



不是勾結是同流
蒙混手法十分牛
街坊看得兩頭擰
誰能打救實甚憂

近年來罪惡城被指為世界難挨之地、甚至有聲音指縣府所做嘅扶貧工作是越扶越貧。嗱、縱觀全球就會發現、地球上每個角落都機乎一樣係咁艱難。當下世界各地都係只有一小撮人賺到盤滿砵滿、而大部份人嘅經濟狀況卻出現行路打倒蹆現象。曾經有經濟學專家講過、今日世界上的80%財富集中在一成人(超級富豪)的口袋裡。剩下來嘅20%財富又被另外一成人(中產階層)佔據一半。剩下來的10%財富便由其餘八成人去攤分。到底這顯示出怎麼樣的概念?依我睇、就係乜乜勾結食水太深嘅結果嚟。

罪惡城在世界人均收人排名榜位於20以外、但生活成本就名列前矛。之所以搞成咁、就係因為租金之是世界之最昂貴。嗱、縣府問大家地從何來?其實咁樣問、等同判無穀蝸牛死刑。眾所周知、當縣府嘗試去徵收農地、填海造陸、改變郊野公圓部份用地等、均受到打起環保旗號嘅專業抗議團體反對而告終。問題係、點解縣府會對那幾件環保蛋散怕得要死、而視蟻民所急連個屁都不如?論人數、環保組織憑啥去跟那些求屋若渴嘅蟻民相比?現在縣府連蟻民嘅基來要求都托手踭、還有啥好講?奇怪嘅係、點解呢種本掹貓尾嘅蠱惑仔招數會咁work嘅?如果咁都話唔係「乜乜鄉黑政」五方朋比為奸、就真係唔知算係乜嘢嚟。坦白講、起幾多棟樓雖然係與市場須求掛勾、但拍板人只有縣府一家而別無它號。換言之、並唔係如坊間流轉、乜乜霸權惡晒、而係縣府成全。假如話、縣府失驚無神在半山豪宅區則邊蜸起幾棟平租屋、該區樓價馬上死畀你睇。別忘記、此招一出、所有霸權都要跪低。切勿相信乜乜霸權真係隨便踢得走堂堂朝命庭命官。要做得到亦不太難、只要有萬歲爺點頭就可以。問題係、今日嘅萬歲爺仲會唔會似得以前嗰位咁弱不禁風呢?

10 則留言:

  1. 香港的樓價真是太瘋癲,如果真係物極必反,咁幾時可以反?

    回覆刪除
  2. 幾個環保份子當然唔夠力,但係環保份子嘅後面有政棍出面撐,而政棍後面又有大班「傻佬」去撐,選佢地出來唔畀官府開發土地。
    佢地亦喺各種冇皇管媒體裡面,聲大大叫唔好畀官府開發呢度,唔畀官府開發嗰度。
    偏偏呢D傻佬入面,仲要大部分都係被缺地而害到雞毛鴨血,住得差時仲要節衣縮食,呻都樹葉都落嘅人。

    回覆刪除
  3. 我以前就有一個疑問,如果有人喺半山區或有錢人住的地方搭木屋住,你估政府會點(拆完又搭)?

    回覆刪除
    回覆
    1. 政府必定以強硬手段拆之。

      刪除
    2. 半山區喎,保安特別嚴密,未開工已經俾警察捉去問話啦!

      刪除
  4. 域Sir,出幾多辣招都冇用,最主要是市場供求失衡。

    回覆刪除
    回覆
    1. 霸權囤地、縣府喊冇地、一切皆為條數講唔掂。可笑嘅就係、有班人自己整死自己都唔知。

      刪除