你走佢都未走

你踢我走我不走

判罰無厘兼漏口

污水泛濫人之過

想見清泉勿逗留

昨晚在榕樹頭講壇聽柳呼風講古、佢話欲想罪惡城獲得安寧、首先要將那些非我族類嘅六判清除、然後再委派有國家觀念、能站在國家同一水平線上思考問題、維護國家主權和人民利益、以及履行對國家責任嘅人來當六判。嗱、聽起來、抑大俠講得極有道理。但問題係、由誰來擔起推手之職？一般而言、當然是縣太爺了。嗱、本城縣太爺雖然是由朝廷任命、真正抬舉他的人卻係一小撮擁有特權嘅小圈子人物。因此很難判斷縣太爺心裡面嘅效中對象是朝廷、抑或係那個造就他的小圈子。按照罪惡城嘅情況看來、縣太爺故然要效忠朝廷、但亦不得不以小圈子利益為先。在這情況下、踢走黃六判是奢望、倒不如自己走好過咯！

打個比喻講、早前捕快學堂從大影細國聘請兩名現役軍官到來教授步操。人們不禁有所質疑、何解有街坊軍教頭唔用、而偏要跑到老遠嘅大影細國聘用洋教頭？在前朝當捕快者必須宣誓效忠影女皇、現在無誰是旗幟或是徽章都改用天朝的、效忠對象亦不再是影女皇。那麼、何解堂堂勢法隊伍有國家步操不用、還要繼續沿用番邦遺留下來的步操？嗱、見微知著、這是怎麼樣的概念、大家不妨去想一想。究竟罪惡城現在奉行嘅係一數兩計、定係失去控制架？連執法隊伍都搞到不倫不類、又點樣去維持好治安？仲有呀、戒律院頻頻傳出鬧鬼消息、而見有人被鬼揞眼、以致那些明明應該贏嘅官司、結果都打輸埋。難怪被街坊喉舌揶揄為徒弟捉妖、師爸放妖咯！現在黃亂已過三秋、成班黃妖頭領依然逍遙法外、使得坊間日日都有人在鼓譟、喪插戒律院包庇妖精。俗話都有講、做唔做都應該交代一聲、無謂搞到唔嗲唔吊吖嘛！家陣分明有人耍無賴、試問班街坊點會唔㷫過焫雞？咁搞法、罪惡城個朵想唔臭都唔得啦！係嘛？！所以話咁、罪惡城已經變成係一條污糟邋遢嘅溝渠、除非天朝能夠將之疏導、否則休想再見到清泉。