風光背後

瞓石冧張蓆

無須到處糴

公名無我份

富貴在咫尺

有報導顯示、官府在某行人隧道貼上一張以五種中外文字寫上不准在那裡露宿嘅告示而遭網民罵無良、方知到原來有外籍人士加人本城露宿者行列。可能係在下孤陋寡聞都未定、除了本地人之外、真係冇留意過還有外國人在街道上露宿的。然而、官府張貼嘅告示又確係以五種中外文字寫成的、內心不免起了一陣疑雲。不過我想起行經某遂道時、也曾見到過那麼樣的一張告示、而當時在遂道裡面還擠滿外傭、他們都是以膠布鋪在地上而坐。當中有人在傾偈、有人從事販賣小食和用品等活動、但並沒有發現有人露宿。現在回想起當時情況（在告示下面坐着一大群佔據半邊遂道嘅外傭）時、真係唔知好嬲定好笑。

講起露宿呢家嘢、當在下參加某慈善機構義工團嘅時候、發現露宿者是分開固定和流動兩大類。我曾經訪問過一些固定位置嘅露宿者、何以不向露宿XX家尋求幫助而要瞓街呢？得到嘅答案都是環繞着“收容露宿者過夜嘅機構都是緒多限制、例如個人清潔衛生問題、進出宿舍時間、以及隨身攜帶嘅私人物品嘅體積大小等都受限制、所以寧願瞓街。”當我問及他們怎樣抵禦寒冷和地氣時、得到嘅回答就是“最理想就是拾得一張舊床褥、如沒有的話、就以一層厚厚嘅紙皮或雜誌打底、再加上一些如棉質或布質物品在上面、然後蓋上被子就可以好好的睡一覺。”注於那些流動露宿者有不少是瞓睡袋的。在下常試去訪問他們、但大多數人都表示拒絕。在寥寥願意接受訪問人士口中得知、他們大多數都是在職嘅低收入人士。注於點解連碌架床都租唔起而搞到要瞓街、大概唔使我講都已經想象得到係點解架喇！試問、在紫荊城這個表面風光嘅國際大都會背後暗藏着嘅悲哀、又豈會是那些“堅離地”嘅達官貴人所能想象得到嘅呢？！