2017年11月29日星期三

咁都唔使坐監



你造反時我眼坦
成盤生意冚包散
今日爾能當好運
惟獨是我被玩殘

當日涼茶杰對黃衛兵講“不守戒並不等同破戒”原來唔止係啱嘅、而且仲係其道不孤𠻹。昨日六判爺判決四名犯天條嘅黃衛兵守行為一年、另罰每人一萬両銀了事。據六判講、當中有人只係睇唔過眼捕快對黃衛兵「開拖」才在當天加人對抗、唔算得上係挑戰法律、亦唔算得上係骨幹角色嚟喎!嗱、唔知咁講法、算唔算得上係「猢狸鬧交」呢、吓?!雖然罰款一萬両銀唔算太少、但阻遏作用就冇乜囉!聽聞話、合格黃衛兵是獲得金錢上援助的。無論點睇、黃亂在社會上造成嘅災害都唔係小嘢、我老友阿黃盤生意就係死喺佢哋手上。如果黃衛兵不是遇上菩薩爺打救嘅話、恐怕難逃摱鐵枝嘅滋味。嗱、好戲陸續有來、大家就等着瞧吧!

講開又講、黃亂搞手一定知到冇可能贏得過紅家會的。佢哋之所以死纏爛打、無非是要達成今日嘅愁城自困地步。嗱、我冇亂噏架!從今日嘅情形嚟睇、黃亂搞手守護嘅價值觀並不屬於罪惡城、而係花米兩旗嘅。你睇、自從黃亂之後、一言堂便敕法將箍着本城嘅金剛圈再度收緊。由此可見紅家會就早聞到𤓓。如無猜錯嘅話、在未來歲月裡面、個金剛圈勢必越收越緊、而且仲係有緊冇鬆。正如紅老大在南海對付花大叔一樣、有進冇退。君不見、紅家會在南海填海造陸、將幾六個荒廢着嘅島礁填成具非常戰略價值嘅島嶼、就是鐵一般的證據嚟咩?自從花家踩隻腳人去南海之後、紅家就踩夠兩隻腳入去嗎?例如東海釣魚島、若不是架仔帶頭搞鬼、紅家會又點會派遣巡邏船在該區作常態巡邏?再睇睇台島、若非菜英子發夢都掛住島獨、紅老大又點會頻頻派遣紅家軍在該區作戰略性巡航?這些舉動足以證明當今紅老大嘅性格、就是你踩前一步、佢踩夠兩步。即係話、黃衛兵繼續惡搞嘅話、唔止係茅廁點燈、仲會連累街坊都冇運行。可惜嘅就係、平常百姓皆是無可奈何而矣!

11 則留言:

  1. 黃禍之風確是不可長,口口聲聲為民請命,其實係禍國殃民。
    惡口傷人:在金鐘某大廈張貼大字報:“淋病月痾”! 這些是什麼腦袋想出來的? 點解現今學生嘅思想污穢得咁交關!
    破壞法治:縱火、掟磚,很恐怖!一場戰中,跨年攪了79天,傷害了本城的和平,嚴重破壞了過年的歡樂氣氛。

    回覆刪除
    回覆
    1. 冇辦法、人家人多勢大、想點搞就點搞、連紅家會都要讓三分吖嘛!

      刪除
  2. 睇下垃圾會選舉,一人一票都仲係選反派嘅多,即係多數人揀佢地做代表,咁罪惡城冇運行,都可以話係自己攞來。
    陪葬就怪自己唔夠人多,或者係唔出來投票。

    回覆刪除
    回覆
    1. 在不相信呢個環境會漸漸改變、因為當街坊嘗盡苦頭之後、自然會變得現實起來嘅。

      刪除
  3. 甚麼不好的事都是由上至下,有好官又點有衰民呢?所以有人話份工係衰工…咭咭咭!

    回覆刪除
  4. ♦¨*☾好友🌜晚安☁・。。゚🌛
       ╭───────╮✬
       │瞓覺豬呢💤│
       ╰───────╯✨
    ╭───────╮☆♫♩
    │甜夢安睡💤│
    ╰───────╯★
      O🌟
       o❉♬
     .∧_∧・。。゚
     ( ・ω・ )*♪
     |⊃/(___◇ഐ⊹
    /└-(____/✾•ೋგஜ๑
    眨吓眼時間過得好快又週四嚟

    回覆刪除
  5. 咁判都好,起碼大英帝國同花旗國出少句聲。

    回覆刪除
    回覆
    1. 其實判輕判重乃是見仁見智、更重要就是要張顯出法治精神來。

      刪除