戒律長失職？

失職不失職

平衡以利益

先呃而後騙

能者食夾扐

紫荊分陀有消息傳出、戒律院院長淵博強風濕腳發作、並打響退堂鼓、聲稱往後不再過問江湖事。之但係、棺材蓋尚未𢫏埋、坊間已經有定論。部份街坊喉舌直斥淵博強唔淨止係食嘢唔做嘢、做嘢打爛嘢、而且仲留低一大坺蘇州屎畀下家嘆。甚至有聲音認為紅老大應該將淵博強扎棍、以儆效尤。之但係、城中四家十三會就唔係咁認為。由其是力牆號大老闆禮減除都不知幾咁欣賞老淵嘅表現。無它、一切都離唔開利與害嘅關係、以致人們感受不同而產生不同聲調而矣！注於紅家會是否會向淵博強問罪、依我睇唔會。理由係、紅家會咁做嘅話、以後就冇人肯去為戒律院辦事了！在投鼠忌器之下、總舵亦只能退而求其次、讓老淵去做其能力可以做嘅事。所以一般認為、淵博強當日派人追殺亂黨三條𡃁、就是以此作為換取總舵讓他退隱嘅條件之一。

江湖流傳、某人的一隻痛腳被兩個人抓着、既怕順得哥情失嫂意、又驚平衡錯誤而落得一身孱。呢個故事告訴我們、左右逢源並唔係咁㜺鬼嘅。在四家十三會方面而言、亂黨一眾頭領人人無損、個個逍遙、已經可以對花老大有所交代。在紫荊分舵方面而言、將亂黨三條𡃁和十多名勇字派爛頭卒打人大牢、亦算是向總舵有所交代。現在問題係、究竟未來戒律院院長誰屬？此人上任後會唔會對亂黨一眾漏網之魚展開追殺？據榕樹頭講古佬盲飛李所講、紅家會絕不會堅持要戒律院追殺亂黨頭領、因為總舵主知到即使施壓力亦是弊多於利。有消息顯示、前金牙幫前幫主藤運紫對戒律院院長個位有興趣、但未知到佢會唔會主動去追殺漏網禍首。有圈中人透露、顯現於人前嘅亂黨勢力、只不過是九牛一毛、即使強大如紅家會亦不得以力取勝。因此、紅家會只能用適量壓力將其聲勢抑制着、並希利用以逸待勞嘅策略續漸將之陰乾。因此、對於一心想睇好戲街坊來說、大概要失望了！