講獨點解咁猛料？

講獨非講獨

存心來設局

勝在有人抬

避早一鑊孰

雖則話、講獨是由大教館萌芽然後再由學徒帶入社會。但必須要注意嘅就係、何解當社會上正在響起一遍喊打講獨之聲嘅時候、揸拂當局依然麻木不仁、大教館連碰也不敢去碰、垃圾尊貴一面說不支持講獨、而另一面又大放厥詞為講獨開脫。相信講到這裡、大家都會質疑、究竟這個悶葫蘆裡面載嘅係乜嘢藥、講獨嘅底氣又是從何而來？嗱、江湖上最新消息顯示、其中三個講獨組織「半文錢、香梗㒼族、青年奀症」已經跟架仔「仇龍組」頭目神谷終斃商量結盟、將在明年打正旗號做「看更」𠻹喇！難怪班街坊都話、罪惡城果係如假包換嘅講獨庇護所嚟啦！

雖然罪惡城揸拂人是由一個小圈子選出來的、但當中嘅外來影響力絕不可小覷、涉及嘅利益之巨大、並非一般蟻民可以想象得到的。所謂飲水思源、如果我係當選者嘅話、首先要報答嘅人當然係造就自己出來嘅再生父母。但很對不起、即使排隊都未輪到各位街坊。因為你哋嘅投票權已經被一群政棍摧毀、成功讓最既得利益者繼造當造王人、而街坊大眾只能繼續其觀眾角色。換句話講、用把口幫來你討民主嘅人、就是毀去你選揀和監督權利嘅人。注於點解（揸拂當局視講獨而不見。大教館對講獨姑息遷就。垃圾會以矛盾去亂街坊心智。打擊講獨只講而不做。）相信大家已經心中有數。講獨之所以越來越放肆、點止係有照咁簡單？江湖早就流傳、講獨背後有一個大靠山、越係疊水嘅人、就越係要賣怕於他。我呢類小人物梗係睇唔出邊個大靠山咁架勢、但大圈頂爺卻睇得一清二楚。否則、大圈頂爺亦無須派遣飛仔李和謠歌平南下、催促揸拂人嗱嗱聲立例去管制。如無估錯、大圈頂爺今次就是要班馬騮表態、到底是站在那一邊的。

開講都有話、留得青山在、不怕冇柴燒吖啦！之但係、講獨卻明知山有虎、偏向虎山行、分明係壽星公吊頸兼命長。嗱、我就猜唔透箇中奧妙。如果你想得通、不妨順便告知在下一聲。唔該！