監倉英雄

唔怕你笨拙

最忌叻唔切

自以比天高

掹長打得纈

有人話當下參與政治運動嘅大學生多數都是假大空、但在下聽過就算。因為凡是政見對立嘅人、通常都會把對手唱衰的。但係近年種種跡象、使得在下對本城政治前途越來越感覺悲觀。由其是垃圾尊貴所謂嘅三無一要（無須講道理、無須講規則、無須理反對、要堅持到底）嘅拉布攻略。其次就是戰中先鋒之一嘅兜捹康雙腳剛踏出監獄大門之後就跟痴瘋一樣吹水唔抹嘴、吹牛吹到天上去。

日前、兜捹康利用空氣電波對街坊講、在他踎監嘅日子裡面繼續履行其公平、公正、公開嘅宗旨、但凡見到不平之事便公開發聲。兜捹康自稱、經他再三質囚犯膳食營養是否足夠、以及飯後踎低數人頭嘅規則是否有必要繼續之後、不知是否因為他的關係、監房主管便從善如流作出改善。正當那些血氣方剛嘅黃思少年對兜捹康嘅英雄事蹟聽得眉飛色舞、恨不得自己也要做監倉英雄之際、監房發言人就跑出踢爆根本冇其事。嗱、話雖然係咁講、但總係有人信、有人唔信嘅。諗深一層、監房善食和紀律係有統一標準的。膳食餐單是由營養師設計、再經過衛生部門加以鑒定之後才煮給在囚人士吃。囚犯紀律是有法律依據的、絕不可能由兜捹康區區囚犯說過便算。由此可見、兜捹康若非患上妄想症、就是自大夾無知。佢之所以淪落到做監躉、並不是因他參與黃亂、而係佢太過自以為是。否則、要踎監嘅人係戰中三伯而唔係佢。雖然有人見到兜捹康自抬身價而抬出個醜字來笑破肚皮、但在下笑唔出。因為我覺得兜捹康呢個正在接受着高等教育嘅年輕人居然幼稚到如斯田地、足以證明黃思教頭對學生嘅作做嘅政治荼毒、已經到咗無已復加嘅地步。難怪近年來有咁多家長安排其子女出外讀書啦！