2017年10月28日星期六

以象遏龍?


花星攜手遏大圈
出完口術又出千
口水講乾荷包立
一次蹉跎退十年

近月來、花大叔不斷向摩囉迪拋媚眼、企圖𧨾佢落水去跟紅家搞對抗。嗱、喪普能否如願目前尚未知曉、但自從“動朗踩過界”一役、阿星就被紅家晒出來嘅“架生”嚇到腳軟、使得摩囉迪一直耿恥於懷。因此他花上大筆銀両去購買花家武器、並等待機會再與紅老大一比高低。嗱、咪話我潑冷水、如果能夠用銀両買得尖端武器嘅話、阿星早就成為世界上一流打架強手、而唔係好似現在咁、剩得把聲。反觀、雖然紅家會長期受到西方集團科技封鎖、但在努力創新之下、已經緊隨花餓之後在世界武售市場攀登上第三位。試問仍然依賴購買它家武器嘅阿星焉能相比?由此可見、花大叔是明知阿星不濟都要拖攏他、分明係別有居心的。

自從東盟轉軚捨棄跟紅家對抗之後、花大叔嘅亞洲再橫行計劃已經變成籮底橙。目前花大叔只能間中派戰船到南海一游、並做些小學雞動作挑釁紅家。另外、花大叔拉埋米字佬帶領亞太五族聯防(米字佬、柳西冷、鰲大脷、馬拉仔、坡仔)與高麗仔、架仔等家族加強圍堵紅家、但上述家族均在經濟方面與紅家有緊密合作、使得計劃有形無實。因此花大叔惟有向阿星埋手、希望盡其挑撥之能事得使龍象互片。無論大笨象是贏是輸都唔緊要、重要嘅係搞到龍象都烏煙瘴氣、齊齊打倒蹆、而花大叔就趁機𢵌冧朝仙大佬肥仔恩。當“一銀一鐵”因龍象之戰而斷纜、紅家定必倒楣、沙餓亦失去經濟靠山、到時花家就可以隻手遮天、花銀再次成地球上嘅一枚獨秀、歐亞各大小家族通通歸須花家、這幅美圖實在太美好了!但很對不起、欲發戰難財恐怕只是花大叔一廂情願。在現實環境裡面、紅家會如日中空、而且一切都依照定下嘅時間表順利運作。不出五年、大圈就能達到全面小康、並攀登上世界經濟一哥位置去、在2035年便足以全面比肩花家。老番之所以搞咁唔安樂、並非害怕龍族服興、而係害怕啥全主異崛起使得西方價值觀崩潰。之但係、當前在啥會主異管治下嘅大圈不但經濟崛起、而且連武備力量也崛起、所以硬係唔信鏡嘅人、到頭來必定吃虧的。信不信由你。

18 則留言:

  1. ∧∧°¨*眨吓眼時間過得好快╠╣aΡpy週六🎈
    ・ω・)・゚好友⛅早晨☕午安🌞黃昏🌈傍晚好
    ⊂ノ・。💻回覆完大家🚪去彩紅士多玩貓嚟🐈
     ┏┳━━━┳┓🦋º°¨ʚïɞ
     ┗┫   ┣┛
       ┃◕ ◕ ┃
     ┏┛  〃┃
     ┃●●   .┣━┳┓
     ┗┻┳━━┛ ┣┛
       ┃┏┓┣┓┃✿🍀❀
    ∴❉•ೋஜഐ∵₡Ϡ๑۩۞۩✾*

    回覆刪除
  2. 這首歌如果冇記錯的話,好似係《碧血長天》電影主題曲,用來配合這篇之戰爭背景,真係好貼切!
    再講,西方國家常說紅家會崩潰,其實呢啲咪係叫夜行人吹口哨壯膽咯,我諗最先崩潰的一定係佢哋先。

    回覆刪除
    回覆
    1. 對呀、此歌 The Longest Day就係 「碧血長天」主題曲嚟、記個當時還有一套戰爭片 Tiger Tank 「坦克大決戰」與之打對台。

      刪除
  3. 域sir 好嘢! 竟然找到這張原唱者的歌來播! 我上網只係搵到其他人再唱的。Paul Anka 的 The Longest Day 真係好好聽呀。以前我大哥都曾經買過這張唱片。

    回覆刪除
    回覆
    1. 這歌大大話話有半個世紀、但依然幾禁聽的。

      刪除
  4. 中角從一窮二白走到如今,也真不容易! 紅家守土有功, 希望經濟日有好轉,兵精糧足,前途無限。

    回覆刪除
    回覆
    1. 如果人人都能案享太平、那實在太好了!

      刪除
  5. 域Sir,番邦始終唔想見到中國強大,歐洲依家比西班牙攪到週身蟻,萬一攪唔掂就四分五裂,北大西洋公約組織玩完。

    回覆刪除
    回覆
    1. Wai兄、好難怪嘅、番邦一向以白為先、幾經辛苦才能令到自己嘅價直觀成為世界標準。但今次黃面佬崛起、唔止要帶起埋第三世界嘅經濟、仲要堅持那套甚麼孖列主義、如果我係佢哋都唔會開心嘅。

      刪除
  6. 風水輪流轉,默默耕耘,總有出頭天!

    回覆刪除
    回覆
    1. 呢啲就係盛極而衰、與否極泰來嘅寫照嚟。

      刪除
  7. 唔信鏡
    都信下門口嗰盤水
    倒嚟照照
    花家氹象買軍備
    無非又係生意之選

    回覆刪除
    回覆
    1. 對的、可惜世上有太多自欺欺人之輩而矣!

      刪除
  8. 花大叔最識攻心計,扇風點火,借力打力,自己絲毫無損。叻嘅就會互相利用,蠢嘅就被人利用。睇落隻大象就好似唔叻得去邊喇。
    而條龍就冒左出頭,蒸蒸日上,已經去到老二,但是老大就如中業之後嘅皇朝,大勢所趨。

    回覆刪除
    回覆
    1. 近來花大叔那檔無本生意已經冇乜人睺、喪普呢壇自大狂選要變本加厲去玩自私、睇嚟佢老人家距離眾叛親離嘅日子不遠架喇!

      刪除
  9. 我大哥剛去了西藏旅行,發覺中國沿天山邊,即印度北面,建築了不少高速公路,可以將天山流去恒河水源截斷.假如中國不放水落恒河的話,印度都幾濕滯.所以印度根本無得同中國鬥。

    回覆刪除
    回覆
    1. 係呀、早在十五年前在下去雲南已經看見到處都已鋪好柏油路、年前去西藏見到嘅情形亦係一樣。從那時起、我就知到紅家進行大開發工程、現在大概是大展拳腦嘅成熟期。否則中央亦唔敢在十九大公開聲稱、在五年內全國達至小康矣!

      其實阿星早就擔心紅家關水喉、所以在該區部署好拉母斯導引、在必要時便炸水壩。但佢哋卻忘記咗、世界上還有種叫作病毒傳播嘅玩意囉!

      刪除