2017年10月16日星期一

聽死



時機在眼前
欲發勿拖延
無管它朝事
記緊賺快錢

紫荊城磚頭有價、而且越賣越貴、相信唔使幾耐就會追貼黃金價。咁就唔怪得啲人將磚頭當金條咁買啦!正當磚商撈到盤滿砵滿、而庫房又機乎滿瀉之際、坊間蟻民就越來越閉翳咯!嗱、新任縣令就話、搞成咁都算唔清楚是誰之過、但佢話自己並冇鼓勵過年輕人買磚頭嘅。雖然縣令把口係咁講、但佢又將前任縣令用嚟封住「磚頭佬企圖改變農村耕地用途」嘅封印陸逐解除。難怪坊間流傳、新縣令係一個飲水思源嘅人嚟啦!如果傳言係真嘅話、今日啲父母為咗幫仔女買磚頭而將一生積蓄都攞晒出嚟、到咗佢哋無力工作時自己欠水、仔女欲養無力、咁就要集體攞公援架喇!你試想想、到時賺夠錢嘅人已經遠去、縣令亦返祖家安享晚年、縱然有「冬瓜炆豆腐」都只係由紫荊人慢慢品嘗架咋!

日前、東江書塾嘅老學究陳坦言質疑、何解縣令為咗磚頭缺貨寧願跟磚商合作、都不尋求自力更新?嗱、唱黑臉嘅人走咗、唱紅臉嘅人到咗、正係尋求兩全其美嘅好時機嚟。總好過你綁死人時、人又綁死你吖嘛!好似上手咁、搞成阿蘭嫁阿瑞咁款、又何苦呢?眾所周知、今期縣令是由商號大老闆和鄉紳豪士聯名向朝廷保薦出嚟嘅、人家關係好實屬正常。話時話、本來我哋都有機會𠸎縣令關係好嘅。可昔有人唔鍾意、還要糾眾將普選推倒、結果又益咗小圈子獨家玩埋。其實、參選人是否經過篩選之後再由蟻民投票選出並唔重要、而重要嘅係最終決定權係落在蟻民手上!因為無誰人當選都好、如果不得民心、就算不被彈劾下台、亦唔會再有下次機會。咁即係話、當選者點都要睇睇街坊嘅面口、點都好過淨係睇小圈子面口吖嘛!嗱、有人話、呢啲係紫荊人自作業嚟。我話你知啦、如果你將件事倒過來睇、就會發覺原來係一個局嚟。事實已經證明咗、越反對得激烈、對某些人來說得益越豐厚。唔該你哋睇清楚啲、反咗咁多年、究竟係邊啲人嘅荷包越來越腫脹、邊啲人嘅荷包越來越乾硬?如果你願意暫時放開政治立場嘅話、你必定能把事情睇得更加清楚嘅。我冇老點架、不妨試試吧! 



6 則留言:

  1. 可能就快人人登上月球,磚頭始終都是一塊磚頭!

    回覆刪除
    回覆
    1. 人家拋磚頭換金去、而蟻民就拋金換磚頭與下來。

      刪除
  2. 我諗如果紅家唔出手就真係冇人會出手,你知啦,唔出手個班人全都係既得利益者,甚至連嗰啲地產經紀都係得益者嚟㗎!
    所以係冇得醫,死症…

    回覆刪除
    回覆
    1. 磚頭有機會跌價,就係凸朗普同肥仔開戰。

      刪除
    2. 阿爺一出手、就會有班人跳出嚟指責為干預罪城內務事。如果喪普打肥恩嘅話、唔止樓價冧、恐怕小則亞洲唔掂、大則焫起三戰。

      刪除
  3. ⚡好友🌀早晨☔午安🌂黃昏🌩️傍晚好
    💛*¨**💙๑ഐ✾💚❉。💗
    ╔═╦═╗── ╔══╗╔╗─────╔╗・゚⊹
    ║║║║╠╦╗ ║═╦╬╬╬═╦═╦╦╝║💜
    ║║║║║║║ ║╔╣╔╣║╩╣║║║╬║♪♫♩♬
    ╚╩═╩╬╗║ ╚╝╚╝╚╩═╩╩═╩═╝💞
    ────╚═╝開心萬事得╠╣aΡpy週一
    💟◇•ೋஜ∵💖გº°¨∴💘۩۞۩💕

    回覆刪除