新的開始

新來新入局

望求分豬肉

大纜絞唔埋

遲早一鑊熟

新任揸拂人冧井依照慣例在暑假後、親身到垃圾會講解未本報告和接受質詢。其間有人死抱着陳四姑那句“冇政治、冇民生”嘅庇話當寶典、總之又係冇齙好戲就是。會後在記招其間被問及、何時才重啟政改。冧井回答、要由雙方心情來決定、如果大家心情唔好、提嚟都多餘。嗱、別小覷這一句輕描淡寫嘅回應、呢招其實係連消帶打嘅高級招式嚟。意思即係話、政改能不能夠重啟、並非由她一個人來決定、而係取決於反盟對嘅態度如何、並暗示反盟休想一方面要整她、另一方面又隨心所欲。由此可見、冧井通曉前朝嘅政治應對心法、而目道行比佢嘅師兄啱僧還要高出幾皮。難怪連肥彭都話、對冧井嘅領導能力有信心啦！

嗱、咪話在下又講陰謀論、當下連盲嗰個都睇出、反盟一意孤行、死反、爛反、反到神憎鬼厭。反對一站兩份不得民心、反權威管治無人理睬、如果重提廿三條、又或者重啟國教、恐怕分分鐘都會變成搬起石頭揼自己雙腳嘅。咁即係話、新招不管用、舊嘢挖不得、手頭上已經冇貨可賣。反盟知到唯一出路就是重啟政改、亦只有這個議提才有足夠能力牽動起整個社會嘅情緒、如果拿捏得準確嘅話、第二波戰中便可以順利上演。雖然有人話、未來報告無新意、無驚喜、在下卻感覺得到冧井是想為基層街坊做點事。否則大撞幫代表跪地妝亦唔會氣急敗壞咁、猛烈批評冧井耍手段、企圖利用民生去收買民心啦！但問題係、如果冧井耍嘅所謂手段能夠改善民生嘅話、受益嘅人就係普羅大眾。呢啲正正係蟻民所須、蟻民所求、難道要冧井跟蟻民扎馬才對？由此可見、反盟就係妄想繼續以搞爛檔政治為手段嚟到拖冧民生、而達至「冇王管、冇秩序」即係「冇政治、冇民生」嘅目的。從冧井今次開局採取嘅手法睇嚟、硬朗之中暗藏綿裡針、而且方法是用對了！但問題係、到頭來又會唔會又像前幾任揸拂人咁、搞到成個大頭佛咁嘅呢、吓？！