如此准教頭

呢條契弟真抵死

見人掛白佢恭喜

館長出來罵兩句

成拃黃思發老脾

嗱、開講都有話啦、見到發生不幸事件不表同情係唔緊要嘅、但千祈咪落井下石般的在人家傷口上撒鹽吖嘛！殊不知、准教頭大教館文之牆上卻出現多張寫着「恭喜阿邊個嘅兒子歸西」嘅海布。館長丈人良馬上企出來遣譴責貼布人冷血兼唔係人、卻反被黃思教棍鬧到頭暈眼花。與此同時、該館嘅門生會會長嚟料晴也跳出否認事件與該會有關、並說黑心海布已被門生會撕掉、如果館方藉着追究誰是兇手之勢而乘機打壓言論自由就係白色恐怖、後果將會係好嚴重嘅喎！有教頭質疑、係咪有人被壓迫到有冤無路訴、先至會以此泄憤至喎！以嚟料晴和黃思教頭嘅邏輯看來、就係只許黃思黑心、不准館長追究、而且黃思人馬在其它地方受咗委屈、係可以將憤怒發泄在其他人身上嘅。嗱、我哋嘅教頭和准教頭居然講呢啲、我就驚驚哋、唔知你又驚唔驚呢、吓？！

眾所周知、呢間大教館係專門訓練教頭嘅地方。即係話、由呢所教館訓練出來嘅人將會為人師表的。教學呢家嘢、教得好故然是社會之福、相反則後患無窮。請留意、嚟料晴話、大字報已經被門生會主動撕下來、館方就不應該繼續追查落去。更甚者、就是有教頭質疑、犯咗錯係咪一定要受罰？你話嘞、呢啲究竟係乜嘢嘅邏輯嚟？咁講法、豈非等同當一名暴徒正在向一名女子施暴時被人撞破便馬上逃走、而警方就不應該追查落去？難道這就是為人師表應有嘅對事態度？在下實在懷疑、呢種已經被政治沖昏頭腦以致是非不分、甚至家規國法都可以不理嘅人、仲有資格去為人師表？所以話啫、今日各級教館嘅門生會機乎都係盲目反宗組織、就係因為有太多像嚟料晴及那些質疑“違規受罪必要性”嘅人當上教頭所至。正所謂、有怎麼樣的教頭、就有怎樣的徒弟。在下實在看不到那些只有政治立場而無是非之心嘅教頭、能教出和平理性嘅徒弟來。嗱、呢啲就係黃亂後遺症嚟。總言之、未能將妖蜓那群政治妖人正法之前、教館政治化嘅死結是解不開的。在逢宗必反嘅政治氣候衝擊之下、學生只有繼續被偏激嘅政治思維薰染、這樣無論是對學徒本人或是整個社會都無好處的。大家有眼睇、今日教壇被那群囂張跋扈嘅黃思友獨佔、而藍思亦已經開始大反擊、看來唔使慌冇戲睇喇！可惜嘅就係、一定唔會係好戲嚟囉！