2017年9月4日星期一

捉妖欠天師



妖邪作亂眾皆知
當家動手有遲疑
今日花妖來恫嚇
驅除孽障欠天師

呢嗱、勢想唔到不學無術三條𡃁(不學三𡃁𤓓三七、兜捹匡、戇痴瘋三人被判坐監一事竟然演變成國際事件。花家和米旗家麾下多家傳媒聯手抹黑和抵毀本城六判堂、企圖以大石迮死蟹之勢推翻判決。花家閣會亦傳出可能會通過「罪城人權法和民主法」為反盟提供保護傘。嗱、花大叔嘅面皮厚成點、我唔知到。但我睇得出、今次嘅虛張聲勢志不在拯救不學三𡃁、而係要警告六判堂不得將一眾黃亂禍首判監至係。今次花大叔親自粉墨登場、足可見反盟打民意戰已經打到盡頭、沒得再打了!假如花大叔不放聰明些、還要以撤銷對本城特殊地位安排來威脅紫荊人嘅話、勢必會令更多街坊相信反盟配合花家打壓龍族復興、而不斷製造政治對抗為紅家會添煩添亂。嗱、咪又話我亂噏廿四、當下花家連自己家裡嘅種族動亂都未能搞妥、居然有閒情來管罪惡城嘅事。如果我話、花家跟反盟冇奸情嘅話、唔知到你又信唔信呢、吓?!

現在嘅問題係、究竟戒律院和六判堂會不會受嚇?其實黃亂過咗將近三年而禍首依然逍遙法外。究竟係戒律院唔敢做嘢、抑或係唔想做嘢呢?正確答案、可能永遠都不會被公開。但江湖上卻流傳着、呢單畸屎確實令戒律院左右為難。一方面要維護法紀、而另一方面又要顧及同門之義。如果由你話事嘅話、你又會點做呢?傳說終歸是傳說、基本上都是以訛傳訛、不一定靠譜的。之但係、事情總應該有個合理解釋至係嘅。家陣呢件事搞到唔嗲唔吊咁款、以致全城街坊都唔知到發生緊乜嘢事。嗱、你會唔會認同“由於證據太多、須要續點分析而所費雖時”嘅解釋呢?相信大家都知到、告來告去都離唔開「非法雜會、公眾仿妖」之類嘅控罪。呢單嘢耐人尋味嘅地方就係、居然要花上近千日時間去分祈證據、卻仍然毫無頭緒吖嘛!在下覺得呢個笑話、一啲都唔好笑囉!難怪新任揸拂人點都唔肯孭呢隻鑊上身、係都要將戒律大總管留下來搞妥呢筆蘇州屎至准走啦!我諗、呢單嘢唔會因為賣怕於花大叔、以致無疾而終啩?!


14 則留言:

  1. 情況擺到明:
    一,就等同於官官相護道理。
    二,就係少做少鑊唔做就唔使揹鑊。
    三,唔使講梗係有利益衝突和利益輸送。
    四,流水官流水賬,咁咪留低啲手尾畀下一任,而下一任就有藉口hea 住去做……

    回覆刪除
    回覆
    1. 照目前環境睇、如果玩得太過份、恐怕冇人孭得起。

      刪除
  2. 我相信佔中發起人做足準備工夫,未必咁易俾你咬得入。我唔相信律政司無跟進,只不過對方陣中亦有不少大狀獻計,睇怕唔係咁易告得入。

    回覆刪除
    回覆
    1. 對呀、反派陣中狀棍人多勢眾、若單憑戒律大總管嘅個人力量、恐怕不敵的。

      刪除
    2. 新任揸拂人點都唔肯孭呢隻鑊上身

      刪除
  3. 坊間“面書”日日都有文章和畫面, 力數大妖蜓當時的霸道與惡言惡行;電視新聞台亦再三重播,若果因為自己人不敢起訴自己人,有犯不捉,有罪不治,那麼人人都不用守法了! 以後市民過馬路都可以打橫行,和衝燈!!!

    回覆刪除
    回覆
    1. 現有就係考驗喇!咱們就拭目以待吧!

      刪除
  4. っˆヮˆ)っ✨好友☁¨♦晚上好🌟
    💕開心萬事得🎈╠╣aΡpy週一💞
    ╔════❉•ೋ⊹ஜഐ๑════╗
    💜█▄█.█▀█.█▀█.█▀█.█▄█¸💛
    💙█▀█.█▀█.█▀▀.█▀▀.─█_გ💚
    ╚════♪♫*¨*۩۞۩♩♬✾════╝

    回覆刪除
  5. 域兄晚上好,
    依家擺到明係戒律大總管唔想做嘢,因乜就唔知喇,

    捉妖欠天師
    你知我都知
    若然執得正
    遲早要鞭屍

    回覆刪除
    回覆
    1. 華娃兄你好、
      咁亦難怪、因為對手實在太強。

      橫掂都係輸
      不如詐不知
      阿頭唔賣賬
      慘過做乞兒


      刪除
  6. 回覆
    1. 呢趟真係唔知係佢哋埋單、抑或係街坊埋單咯!

      刪除