龍象之戰半場休息？

龍象呢趟打唔成

花叔架仔眼矎矎

紅家有喜不宜戰

阿迪家衰望太平

據報導顯示、踩過界嘅象兵已經在8月28日下午2時30分反回摩囉境內。事後有傳聞指、紅家會以2億両白銀換取象兵撤退。因此江湖上流傳、在垌塱事件之中、象族失面子得金、龍族失金得面子。嗱、大話講到口沫橫飛、就是拿不出證據來支持。到底紅家會有冇過水畀摩迪呢？如果冇、點解摩迪會咁順攤自動撤兵呢？依我睇、龍象雙方肯定有過秘斟嘅。注於送銀両畀惡迪則未必。事關以當時形勢而言、摩迪是道理全輸的。雙方在軍事上騷哥利嘅結果、似乎亦係龍比象更勝一籌。所謂唔怕貨比貨、最怕唔識貨吖嘛！紅家會連專門用來摧毀敵方雷達和反導系統嘅無人飛機都搬埋出嚟亮相、外行人唔識並唔出奇、但如果連內行人都唔識、咁就真係應死唔使病咯！當然、如果龍族空口喊阿星收皮亦唔係講咁易嘅。但箇中交易係啲乜嘢、外人難以猜透的。

江湖上有一種講法、那就是紅家會答應停止在垌塱造路以換取和平。在下覺得完全唔似係阿爺嘅性格、所以我相信今次係在各有所須嘅情形之下所達成嘅共識嚟。事關今年輪到紅家會當「金條五家」族長大會主辦機構。有資料顯示、金條五家佔世界經濟23%、對世界經濟成長嘅貢獻高達50%、連花佬和架仔都要行埋一邊至係。若然、五大族長之一嘅摩迪不出席嘅話、紅家當然會大失面子、而摩迪亦會失去對世界經濟有影響力嘅話語權。況且、紅家會將於10月18日召開第十九次家族代表大會、其間人事上嘅新安排和調動、以及未來政策方向亦相繼出台、所以會議是絕對不宜延遲的。講到象族、目前內亂形勢十分嚴峻、假如在此時爆發戰爭就會陷入內煎外敖熬嘅境界、對於摩迪來講絕對是個惡夢。依我睇、龍象雙方休戰是聰明選擇。但係當明年春暖花開之時、雙方軍隊是否又會在垌塱集結、就要睇過至知。雖則話、街坊軍擁有壓倒摩囉軍嘅能力、但象家盡得世界上最先進嘅裝備、只要解決得到兵器維修保養和補給上嘅問題嘅話、戰鬥力是絕對不容小覷。何況摩囉軍早就想痛打街坊軍一鑊、以雪六二年一敗之恥。到時究竟是龍勝一籌、抑或係象更出色、都不用斷估、真章自會出現在各位街坊眼前。問題係、是否雙方都有開打嘅意欲和須要而矣！