學子冇運行

一年跌一啲

衰咗冇人知

繼續跌不停

天才變白痴

江湖流傳、在亞洲名列前茅嘅罪惡城龍頭大教館（講大）唔止跌五六位去、在去年花家嘅世界排名榜上更加係一口氣狂跌四十幾個馬位、在另一家國際排行榜嘅最新排位顯示、跌執又再跨進一步。呢鋪都可謂低處未算低咯！須知到、一所大教館除咗功夫到家之外、聲譽更加係尤為重要。然而、講大卻主張講毒第一、功夫第二。就係咁、教頭講毒多過教援功夫心法、而學徒中嘅毒當然係越來越深矣！試問一所離經叛道嘅失敗教館又點可能名列前茅？由此可見、假如城中嘅大教館繼續受到講毒思維薰染嘅話、遲早淪為大毒館、即使華陀翻生都救唔番架喇！

今年暑假完畢之後城中各級大中小教館紛紛開教。往年只有大教館門生才會在開教禮之中發表毒論、但今年中級教館嘅學徒亦有機會踏上講台發表毒論。某一所中級教館嘅學徒代表所講“學曉去做一嚿屎”嘅言論、唔止令到在場學徒愣然、甚至嚇親整個社會。令人費解嘅就係、點解教館會讓未成年嘅學徒上台talk three talk four嘅呢？由此可見、今日教館館長並唔係冇能力去執行館規、更加唔係學徒嘅權力比館長還要大、而係有人立心縱容學徒狂莽自大、以及胡作非為而矣！注於目的屬啥、相信大家亦心中有數、無須我多講的。今年無論是十三所大教館以行動展示一致支持講毒、抑或是中級教館讓學徒在講台上噏三噏四、同樣都屬於係第一次。我唔知到揸拂堂見到呢個情況有何感想、但機乎可以肯定、最高領導層是見得到的。你認為佢哋會就手旁觀嗎？在下實在想唔通、何以本城教館界會做出撩鬼攞命這種愚蠢嘅事來？唔知你又知唔知到點解呢？